Таҳияи лоиҳа оид ба тақвияти сарҳад дар Хадамоти гумруки Тоҷикистон баррасӣ шуд
ДУШАНБЕ, 19.12.2023 /АМИТ «Ховар»/. Масъалаи омода намудани мутахассисони соҳаи гумрук ва таҳияи лоиҳа оид ба тақвияти сарҳад зимни вохӯрии муовини якуми Сардори Хадамоти гумруки назди Ҳукумати Ҷумҳурии Тоҷикистон бо ҳайати намояндагони Агентии Ҷопон оид ба ҳамкории байналмилалӣ (JICA) дар Душанбе баррасӣ гардид. Дар ин хусус ба АМИТ «Ховар» дар Хадамоти гумруки назди Ҳукумати Ҷумҳурии Тоҷикистон иттилоъ доданд.
Дар вохурӣ ҷонибҳо доир ба такмили вазъи иқтисодӣ ва амнияти наздисарҳадӣ, баланд бардоштани сатҳи дониши кормандон, пурзӯр намудани назорати гумрукӣ ва таъмини бехатарии интиқоли мол аз сарҳади гумрукӣ, беҳтар намудани савдои наздисарҳадӣ ва таъмини дидбонгоҳо бо таҷҳизоти муосири муоинаи гумрукӣ мубодилаи афкор намуданд.
Ҷонибҳо инчунин масъалаҳои рушди инфрасохтори мақомоти гумрук ва ҷалби маблағҳо барои андешидани тадбирҳо оид ба пешгирии қочоқи молу воситаҳои нақлиётро баррасӣ намуданд.
Таъкид шуд, ки ҳамкорӣ барои омода намудани мутахассисон дар самти фаъолияти гумрукӣ ҳамчун афзалияти муҳими рушди муносибатҳои дуҷониба боқӣ мемонад.
АКС: Хадамоти гумруки назди Ҳукумати Ҷумҳурии Тоҷикистон
Заминҳои бекорхобидаи ноҳияи Нуробод ба гардиши кишоварзӣ ворид карда шуданд
Ҷаласаи навбатии Шурои миллии муқовимат ба коррупсияи Ҷумҳурии Тоҷикистон баргузор шуд
Директори Агентии авиатсияи граждании назди Ҳукумати Ҷумҳурии Тоҷикистон дар симпозиуми ICAO дар Марокаш иштирок намуд
Соли 2026 дар Хуҷанд 6 корхонаи саноатӣ ифтитоҳ гардид
Нақшаи қисми даромади буҷети шаҳри Ҳисор 103 фоиз иҷро гардид
Файзиддин Қаҳҳорзода ва Абебе Адугна ба густариши ҳамкорӣ дар самтҳои энергетика ва нақлиёт таваҷҷуҳ зоҳир намуданд
Самтҳои афзалиятноки татбиқи марҳилаи нави Барномаи БОМКА-11 баррасӣ шуданд
РУШДИ САНОАТ. Давоми се моҳ дар ноҳияи Ёвон 3 коргоҳи нави истеҳсолӣ ба истифода дода шуд
Ҳамкории Тоҷикистон ва Миср дар соҳаҳои савдо, сармоягузорӣ, саноат, кишоварзӣ ва сайёҳӣ тақвият меёбад
Дар Хатлон ҳаҷми истеҳсоли маҳсулоти саноатӣ ба 2,9 миллиард сомонӣ расид
Муовини Сарвазири Тоҷикистон дар ноҳияи Шаҳристон бо ҳолати кишти картошка шинос шуд
Форуми сеюми байналмилалии «Суғд – чорроҳаи Роҳи бузурги Абрешим» баргузор мешавад
