Тоҷикистон ва Чин тақвияти ҳамкории авиатсиониро баррасӣ намуданд
ДУШАНБЕ, 05.12.2023 /АМИТ «Ховар»/. Имрӯз дар шаҳри Душанбе 4-умин нишасти техникии Корхонаи воҳиди давлатии «Тоҷикаэронавигатсия»-и Агентии авиатсияи граждании назди Ҳукумати Ҷумҳурии Тоҷикистон ва Бюрои ташкили ҳаракати ҳавоии маъмурияти Авиатсияи граждании Ҷумҳурии Мардумии Чин оид ба ифтитоҳи долони нави ҳавоӣ ва ҳамоҳангсозии Созишномаи ҳамкорӣ байни марказҳои ноҳиявии Душанбе ва Урумчӣ баргузор шуд.
Хабарнигори АМИТ «Ховар» Марзия Саидзода иттилоъ медиҳад, ки дар нишасти чоруми техникӣ роҳбарият ва масъулини мақомоти авиатсионии Тоҷикистон ва Чин маҷмуи масъалаҳои мубрами марбут ба таҳкими ҳамкории авиатсиониро баррасӣ намуданд.
Дар нишаст директори Агентии авиатсияи граждании назди Ҳукумати Ҷумҳурии Тоҷикистон Дилшод Сафарзода, директори генералии КВД «Тоҷикаэронавигатсия» Лоиқ Бегиҷонзода доир ба ташаббус ва дастгириҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар самти тақвияти ҳамкории авиатсионӣ байни Тоҷикистон ва Чин сухан намуданд.
Таъкид шуд, ки Тоҷикистон ва Чин аз лиҳози мавқеи ҷуғрофӣ давлатҳои ҳамҷавор буда, тақвияти ҳамкории авиатсионӣ, хусусан ифтитоҳи долонҳои нави ҳавоӣ байни ду давлат дар таҳкими ҳамкории иқтисодии ҳар ду мамлакат нақши муассир мегузорад.
АКС: АМИТ «Ховар»
Дар Душанбе Фестивали занбӯрпарварон, намоиш ва фурӯши асал баргузор шуд
Дар Тоҷикистон беш аз 800 ҳазор тонна картошка ҷамъоварӣ гардидааст
Дар шаҳри Норак Фестивал-намоишгоҳи байналмилалии «Ганҷинаи хатлон» баргузор гардид
Мутахассисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
