Олимони Донишгоҳи аграрии Тоҷикистон соҳиби 4 нахустпатент гардиданд
ДУШАНБЕ, 31.01.2024 /АМИТ «Ховар»/. Олимони Донишгоҳи аграрии Тоҷикистон ба номи Шириншоҳ Шоҳтемур дар самти ихтироот ва навоварӣ фаъолияти илмӣ намуда, соҳиби 4 нахустпатент гардиданд. Дар ин хусус имрӯз ректори ин донишгоҳ Усмон Маҳмадёрзода зимни нишасти матбуотӣ ба рӯзноманигорон иттилоъ дод.
Ба гуфтаи мавсуф, дар назди донишгоҳ 4 Шурои диссертатсионӣ фаъолият менамояд, ки инҳо 3 Шурои диссертатсионии Комиссияи олии аттестатсионии назди Президенти Ҷумҳурии Тоҷикистон ва 1 Шурои диссертатсионии тобеи Комиссияи олии аттестатсионии Федератсияи Русия аз рӯйи 2 ихтисос мебошанд.
Усмон Маҳмадёрзода изҳор намуд, ки донишгоҳ бо 123 ташкилоту муассисаи олии хориҷи мамлакат шартномаи ҳамкорӣ дошта, 9 лоиҳаи грантӣ амалӣ мешавад.
Иттилоъ дода шуд, ки дар ҳамкорӣ бо ташкилоти ТИКА-и Туркия ва «Ассотсиатсияи дӯстӣ байни Ҷумҳурии Корея ва давлатҳои Осиёи Миёна» дар Донишгоҳи аграрӣ 3 гармхонаи замонавӣ ба истифода дода шудааст, ки яктои он бо усули ҳозиразамон (гидропоника) фаъолият менамояд. Дар онҳо ниҳолҳои помидор, қаламфур, боимҷон ва бодиринг шинонида шудаанд.
Шаҳлои САДРИДДИН,
АМИТ «Ховар»
АКС: АМИТ «Ховар»
ҲАМНАФАСИ МАРДУМ, ҲАМҚАДАМИ ТАЪРИХ. Андешае дар ҳошияи Рӯзи Президенти Ҷумҳурии Тоҷикистон
ПЕШВОИ МИЛЛАТ ВА ТАҲКИМИ ПОЯҲОИ РУШДИ ИҚТИСОДИИ ТОҶИКИСТОН. Дар ҳошияи таҷлили Рӯзи Президент
Бахшида ба Рӯзи Президент дар Донишгоҳи байналмилалии сайёҳӣ ва соҳибкорӣ ҳамоиш доир шуд
Барномаи «Низоми арзёбии донистани забони тоҷикӣ барои шаҳрвандони хориҷӣ» муаррифӣ гардид
Ҳаками озмуни «Фурӯғи субҳи доноӣ китоб аст» Шодӣ Раҷабзод: «Сатҳи омодагӣ, донишу маърифат ва ҷаҳонбинии довталабон сол то сол беҳтар мегардад»
«ИЛМ — ФУРӮҒИ МАЪРИФАТ». 59 иштирокчии даври ниҳоии озмун қадрдонӣ карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
ШИНОХТИ ШАХСИЯТҲОИ АДАБӢ ВА ТАЪРИХӢ ДАР ЗАМИНАИ ИСТИҚЛОЛ. Бо чунин унвон конференсияи ҷумҳуриявӣ доир гардид
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
«ФУРӮҒИ СУБҲИ ДОНОӢ КИТОБ АСТ». Бо иштироки 562 довталаб даври ниҳоии озмун ифтитоҳ ёфт
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид
