Донишҷӯёни Донишкадаи кӯҳию металлургии Тоҷикистон забони чинии касбӣ‐техникӣ меомӯзанд
ДУШАНБЕ, 17.02.2024 /АМИТ «Ховар»/. Донишкадаи кӯҳию металлургии Тоҷикистон бо 47 муассисаи илмӣ ва таълимии давлатҳои хориҷи дуру наздик созишномаҳои гуногуни ҳамкорӣ ба имзо расонидааст.
Ректори донишкада Бахтиёр Маҳмадалӣ зимни нишасти матбуотӣ ба намояндагони воситаҳои ахбори омма иттилоъ дод, ки байни Донишкадаи кӯҳию металлургии Тоҷикистон ва Донишкадаи касбӣ‐техникӣ, захираҳо ва муҳити зисти Ланҷоуи Чин аз моҳи сентябри соли 2022 баъди иҷозати Вазорати маориф ва илми Ҷумҳурии Тоҷикистон барномаи 2+2 амалӣ мегардад. Яъне, донишҷӯ мувофиқи барнома имкони таҳсил ҳам дар дохили мамлакат ва ҳам дар Чинро пайдо менамояд.
Инчунин тибқи Созишнома байни Донишкадаи кӯҳию металлургии Тоҷикистон ва Донишкадаи касбӣ-техникӣ, захираҳо ва муҳити зисти Ланҷоуи Чин ба донишкада барои пешбурди барномаи 2+2 барои ихтисоси технология ва саноати заргарӣ таҷҳизоти 3 озмоишгоҳи замонавӣ фиристода шуд. Ин таҷҳизот барои такмили ихтисоси омӯзгорони соҳавии донишкада, таъмин бо озмоишгоҳҳои инноватсионӣ ва мубодилаи донишҷӯён шароити мусоид фароҳам меорад.
Гуфта шуд, ки дар назди Донишкадаи кӯҳию металлургии Тоҷикистон Донишкадаи Конфутсий фаъолият менамояд. Дар қаламрави вилояти Суғд танҳо Донишкадаи Конфутсий дар назди ин донишкада ҳуқуқ дорад имтиҳоноти байналмилалии «HSK»-ро дар 6 дараҷа ва имтиҳони шифоҳии «HSKK»-ро дар 3 дараҷа ташкил ва баргузор намояд. Ин имтиҳон ба донишҷӯён барои таҳсили ройгон дар Ҷумҳурии Мардумии Чин ва ба даст овардани идрорпулӣ мусоидат менамояд.
Ҳамзамон соли 2023 Донишкадаи Конфутсий тасмим гирифт, ки ба ҷуз омӯзонидани забони чинии оммавӣ боз ташаббуси омӯзиши забони чинии касбӣ‐техникиро барои донишҷӯёни Донишкадаи кӯҳию металлургии Тоҷикистон амалӣ намояд.
АКС: Донишкадаи кӯҳию металлургии Тоҷикистон
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
