«МАН ВАТАНДОРАМ!». Ба шарафи 31-солагии Қувваҳои Мусаллаҳи Тоҷикистон дар Донишгоҳи давлатии Хоруғ дарси намунавӣ гузаронида шуд
ДУШАНБЕ, 23.02.2024 /АМИТ «Ховар»/. Дар Донишгоҳи давлатии Хоруғ ба номи Моёншо Назаршоев бахшида ба 31-солагии таъсиси Қувваҳои Мусаллаҳи Ҷумҳурии Тоҷикистон дарси намунавӣ таҳти унвони «Ман ватандорам!» баргузор шуд. Дар ин хусус АМИТ «Ховар» бо истинод ба ин донишгоҳ хабар медиҳад.
Дарси намунавӣ бо табрикоти ҳамаи донишҷӯён ва омӯзгорон оғоз гардида, дар он доир ба ташкилу пешрафти Қувваҳои Мусаллаҳи Ҷумҳурии Тоҷикистон дар замони соҳибистиқлолӣ маърузаҳо пешкаш гардиданд.
Баъди анҷоми дарс донишҷӯён дар бораи Қувваҳои Мусаллаҳи Ҷумҳурии Тоҷикистон ва хизмати ҷавонмардонаи ҷавонони имрӯзаи Ватан шеърҳо қироат намуда, хори умумӣ иҷро ва рақсу бозиҳои ҳарбӣ барои омӯзгорон ва донишҷӯён намоиш дода шуданд.
Мақсад аз гузарондани чунин дарсҳои намунавӣ тайёр намудани донишҷӯён ба хизмати халқу Ватан ва дӯст доштани сарзамин мебошад.
АКС: Донишгоҳи давлатии Хоруғ ба номи Моёншо Назаршоев
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
