НИШАСТИ МАТБУОТӢ. 42 омӯзгори ноҳияи Шаҳринав бо замини наздиҳавлигӣ таъмин гардид
ШАҲРИНАВ, 09.02.2024 /АМИТ «Ховар»/. Дар ноҳияи Шаҳринав ҷиҳати иҷрои Амри Президенти Ҷумҳурии Тоҷикистон «Дар бораи омодагӣ ба ҷашни 35-солагии Истиқлолияти давлатии Ҷумҳурии Тоҷикистон» бо қарори раиси ноҳия 216 банди нақшаи чорабиниҳо тасдиқ шуд. Хушбахтона, бо дастгирии соҳибкорону сокинони ноҳия то имрӯз 83 иншооти гуногун мавриди баҳрабардорӣ қарор дода шуда, сохтмони қисмати дигари иншооти ҷашнӣ идома дорад. Бо мақсади омодагии ҳамаҷониба ба ҷашни 35-солагии Истиқлоли давлатии Ҷумҳурии Тоҷикистон дар ҳудуди ноҳия аз тарафи роҳбарони гурӯҳҳои корӣ дар ҷамоатҳои шаҳраку деҳот мунтазам бо аҳолӣ суҳбату вохӯриҳо доир гашта, иншооти иловагие, ки аз тарафи сокинон пешниҳод мегарданд, ба нақшаи чорабиниҳо илова мешаванд. Ин матлабро Раиси ноҳияи Шаҳринав Абдуқодир Вализода зимни нишасти матбуотӣ баён дошт.
Тавре дар нишасти матбуотӣ иброз гардид, бо мақсади беҳтар намудани вазъият ва иҷрои талаботи “Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2020-2025” дар назди 36 муассисаи таълимии ноҳия 1405 кӯдакони 5-6- сола ба таълиму тарбия фаро гирифта шуданд. Инчунин ба хотири амалӣ гардонидани ин барнома аз ҷониби соҳибкори ватанӣ Умар Кремлёв дар айни замон корҳои навсозии кӯдакистони №2-и ноҳия бо маблағи 7 миллион сомонӣ бомаром идома дорад.
Гуфта шуд, ки нақшаи қисми даромади буҷет бо ба назар гирифтани андози иҷтимоии ғайрибуҷетӣ 105 фоиз иҷро гардида, ба буҷети ноҳия 65 миллиону 19 ҳазор сомонӣ ворид шуд, ки нисбат ба нақша 2 миллиону 958 ҳазор сомонӣ зиёд мебошад. Аз ҳисоби маблағҳои буҷети ҷумҳуриявӣ ба буҷети ноҳия 40 миллиону 36 ҳазор сомонӣ маблағҳои мақсаднок (субвенсия) ворид шуданд. Бақияи қарзи андозҳо ба ҳолати 1 январи соли 2024 дар ноҳияи Шаҳринав 1 миллиону 823 ҳазору 411 сомониро ташкил медиҳад, ки нисбат ба ҳамин давраи соли 2022 670 ҳазору 161 сомонӣ зиёд мебошад.
Ҷиҳати дастгирии омӯзгорони ҷавон дар ноҳияи Шаҳринав 42 омӯзгорро бо замини наздиҳавлигӣ таъмин намуданд. Ҳамчунин 69 омӯзгор аз бонкҳои давлатӣ қарзҳои имтиёзнок гирифта, 77 омӯзгори ҷавоне, ки нав ба кор омадаанд, бо 10 фоиз маоши иловагӣ таъмин гардиданд.
Субҳониддини МАҲМУД,
АМИТ «Ховар»
АКС: АМИТ «Ховар»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар варзишгоҳи марказии шаҳри Хоруғ бахшида ба ҷашни 35-солагии Истиқлоли давлатӣ
Пешвои миллат Эмомалӣ Раҳмон дар шаҳри Хоруғ дар тантанаҳои идона ба ифтихори ҷашни 35-солагии Истиқлоли давлатӣ иштирок намуданд
Президенти Ҷумҳурии Тоҷикистон Эмомалӣ Раҳмон якчанд иншооти муҳими соҳаи энергетикаро дар Вилояти Мухтори Кӯҳистони Бадахшон ифтитоҳ намуданд
Сарвари давлат Эмомалӣ Раҳмон бо 6 лоиҳаи роҳҳои дорои аҳамияти байналмилалию ҷумҳуриявии ҳудуди Вилояти Мухтори Кӯҳистони Бадахшон шинос шуданд
Пешвои миллат Эмомалӣ Раҳмон 90 иншооти таъйиноти гуногунро дар шаҳру ноҳияҳои Вилояти Мухтори Кӯҳистони Бадахшон ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Сарвари давлат Эмомалӣ Раҳмон дар шаҳри Хоруғ Боғи фарҳангию фароғатии «Дуои Модар»-ро ифтитоҳ намуданд
Дар шаҳри Абу Забӣ бахшида ба 35-солагии Истиқлоли давлатии Тоҷикистон чорабинии тантанавӣ баргузор гардид
Пешвои миллат Эмомалӣ Раҳмон бо лоиҳаи сохтмони Маркази агрологистикӣ дар шаҳри Хоруғ шинос шуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаи бунёди муассисаҳои байналмилалии Донишгоҳи байналмилалии сайёҳӣ ва соҳибкории Тоҷикистон шинос шуданд
Сарвари давлат Эмомалӣ Раҳмон дар минтақаи саноатии Хоруғ 3 корхонаи нави саноатиро ба истифода доданд
Пешвои миллат Эмомалӣ Раҳмон бо сафари корӣ ба шаҳри Хоруғи Вилояти Мухтори Кӯҳистони Бадахшон ташриф оварданд
