НИШАСТИ МАТБУОТӢ. Тоҷикистон ҳиссаи содиротро дар гардиши савдои хориҷӣ то 40 фоиз зиёд ва воридотро то 60 фоиз кам менамояд
ДУШАНБЕ, 13.02.2024 /АМИТ «Ховар»/. Тибқи «Барномаи давлатии рушди содироти Ҷумҳурии Тоҷикистон барои солхои 2021-2025» мо бояд ҳиссаи содиротро дар гардиши савдои хориҷӣ то соли 2025 40 фоиз зиёд ва воридотро то 60 фисад кам намоем. Солҳои қаблӣ ҳиссаи содирот дар гардиши савдои хориҷӣ тақрибан 20 фоиз буда, соли 2023 ин шумора ба 30 фоиз баробар шуд. Дар ин хусус имрӯз зимни нишасти матбуотӣ Вазири рушди иқтисод ва савдои Ҷумҳурии Тоҷикистон Завқӣ Завқизода иттилоъ дод.
Ба гуфтаи мавсуф, солҳои қаблӣ ҳиссаи воридот дар савдои хориҷӣ 80 фоизро ташкил медод, ҳоло бо амалишавии ин барнома он ба 70 фоиз баробар гардид.
«Соли 2023 дар натиҷаи татбиқи имтиёзҳои андозию гумрукӣ дар ҷумҳурӣ дар соҳаҳои гуногун корхонаҳои истеҳсолӣ бо технологияи муосир таъсис шуда, ҳаҷми истеҳсоли молҳои мавриди ниёзи мардум афзоиш ёфт ва талаботи бозори дохилӣ таъмин гашта, сохтори содирот батадриҷ васеъ мегардад»,-изҳор дошт Вазири рушди иқтисод ва савдо.
Таъкид гардид, ки новобаста аз вазъи мураккаби геосиёсии ҷаҳон, низоъҳои ҳарбию тиҷоратӣ ва таҳримҳои иқтисодӣ байни кишварҳои абарқудрат, инчунин пайомадҳои тағйирёбии иқлим дар натиҷаи амалигардонии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самтҳои таъмини суръати пешбинишудаи рушди иқтисодии мамлакат, истифодаи самараноки имконияту захираҳои мавҷуда, ҷалби сармояи ватаниву хориҷӣ ва истифодаи самараноки заминҳои кишоварзӣ соли 2023 дар маҷмуъ устувории нишондиҳандаҳои макроиқтисодӣ таъмин гардида, ҳаҷми маҷмуи маҳсулоти дохилӣ 130,8 млрд сомонӣ ва суръати рушди воқеии он 8,3 фоизро ташкил дод.
Иттилоъ дода шуд, ки рушди иқтисоди миллӣ аз ҳисоби зиёд гардидани ҳаҷми воқеии истеҳсоли маҳсулоти саноатӣ ба андозаи 12 фоиз, кишоварзӣ 9 фоиз, маблағгузорӣ ба сармояи асосӣ 22,5 фоиз, боркашонӣ 16,6 фоиз, гардиши савдо 13,4 фоиз, хизматрасонии пулакӣ 14,1 фоиз ва мусофиркашонӣ 9,8 фоиз ба миён омад.
Шаҳлои САДРИДДИН,
АМИТ «Ховар»
АКС: АМИТ «Ховар»
НИШАСТИ МАТБУОТӢ. Ноҳияи Вахш ба хориҷи Тоҷикистон маҳсулоти кишоварзӣ содирот менамояд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ зеристгоҳи нави барқии 110/35/10 кВ ба истифода дода мешавад
НИШАСТИ МАТБУОТӢ. Дар Хатлон маҷмуи маҳсулоти минтақавӣ ба 19,9 миллиард сомонӣ баробар шуд
Вазирони оби кишварҳои Осиёи Марказӣ масъалаҳои идоракунии захираҳои обиро баррасӣ намуданд
Хадамоти алоқа: «Аз харидорӣ, насб ва истифодаи худсаронаи репитерҳои ғайристандартӣ ва бе танзими касбӣ худдорӣ намоед»
Байни Душанбе ва Минск парвозҳои мустақими ҳавоӣ оғоз мегарданд
Тоҷикистон лоиҳаи «Харитаи роҳ»-ро оид ба татбиқи Стратегияи рақамикунонии долонҳои асосии нақлиётии мултимодалии ИДМ муаррифӣ намуд
Дар ноҳияи Ҷаббор Расулов парвариши пахта ва ҷамъоварии ҳосили пиёз идома дорад
ИМРӮЗ — РӮЗИ КОРМАНДОНИ СОҲАИ СОХТМОН. Меъмории миллӣ ба ташаккули симои нави шаҳрҳо ва муҳити зисти муносиб мусоидат менамояд
Дар ноҳияи Ҷалолиддини Балхӣ ҳаҷми истеҳсоли маҳсулоти саноатӣ ба 149,6 миллион сомонӣ расид
Ҳаҷми умумии маблағгузории сармоя дар ноҳияи Хуросон ба зиёда аз 337 миллион сомонӣ расонида шуд
Ташаббусҳои глобалии Тоҷикистон дар масъалаи обу иқлим дар муколамаи ҷавонон баррасӣ шуданд
