Талафоти чорво дар миқёси Муғулистон аз 1,5 миллион гузашт
ДУШАНБЕ, 24.02.2024 /АМИТ «Ховар»/. То имрӯз талафоти чорво дар миқёси Муғулистон аз 1,5 миллион сар зиёд шудааст. Тавре АМИТ «Ховар» бо истинод ба «Синхуа» иттилоъ медиҳад, дар ин хусус рӯзи панҷшанбе муовини сарвазир, раиси Комиссияи давлатии ҳолатҳои фавқулодаи Муғулистон Сайнбуянгийн Амарсайхон дар нишасти матбуотӣ барои расонаҳо иброз доштааст.
Дар Муғулистон бо сабаби тағйирёбии иқлим дар фасли зимистон намудҳои гуногуни норасоии ғизои чорво ба назар мерасад. Аз оғози зимистони имсола бо сабаби тағйирёбии якбораи ҳарорати ҳаво ва барфи зиёд дар аксари қаламрави Муғулистон бисёр бодиянишинони чорводори муғул, ки дар чарогоҳҳо чорво мечаронанд, бо норасоии ғизои (сафед) чорво (ва оҳан) рӯ ба рӯ шуданд, ки боиси талафоти шумораи зиёди чорво дар бисёр минтақаҳо гардидааст.
Коршиносон тасдиқ намуданд, ки бар асари бориши зиёди барф алафҳо барои чорво дастнорас мешаванд. Барфи обшуда ба ях мубаддал гашта, заминро рӯйпӯш ва ғизоро барои чорво дастнорас менамояд.
Ҳоло чорводорӣ асоси иқтисодиёти Муғулистон буда, қариб 40 фоизи аҳолии кӯчманчии мамлакат аз ҳисоби даромади он зиндагӣ менамоянд.
АКС аз манбаъҳои боз
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
