Тоҷикистон ва Кореяи Ҷанубӣ тасмим гирифтаанд суратҳисобҳои муросилотӣ кушоянд
ДУШАНБЕ, 22.02.2024 /АМИТ «Ховар»/. Ҳамкории байнибонкии Тоҷикистон ва Корея зимни мулоқоти Раиси Бонки миллии Тоҷикистон Фирдавс Толибзода ва Сафири Фавқулода ва Мухтори Ҷумҳурии Корея дар Ҷумҳурии Тоҷикистон Квон Донгсок дар Душанбе баррасӣ гардид. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Ҷонибҳо оид ба вазъи кунунии низоми бонкии мамлакат ва имконияти сармоягузорӣ, дурнамои рушди муносибатҳои Тоҷикистон ва Корея табодули назар намуданд.
Раиси Бонки миллии Тоҷикистон саҳми Ҷумҳурии Кореяро дар рушди иқтидори низоми бонкии мамлакат чашмрас арзёбӣ намуда, иброз дошт, ки солҳои охир соҳаҳои тиҷорат, истеҳсолот, инфрасохтор, илму маориф, муҳоҷирати меҳнатӣ, фарҳанг, кумаки гуманитарӣ ва дигар соҳаҳо дар ҳамкории Тоҷикистон ва Корея авлавият пайдо менамоянд. Аз ҷумла, соли 2023 Бонки Корея ва Вазорати иқтисод ва молияи Корея дар самти рушди молиявӣ дар Осиё ва Корея, суботи молиявӣ, таҳкими неруи рақамӣ дар рушди бозори сармоя ва инкишофи иқтисодӣ дар давраи пасазковидӣ, аудити дохилӣ ва гузариш ба иқтисоди «сабз» чорабиниҳои таълимию омӯзишӣ ташкил намуданд, ки дар он кормандони Бонки миллии Тоҷикистон иштирок намуда, донишашонро сайқал доданд.
Изҳори умед шуд, ки ҳамкорӣ дар ин самт минбаъд низ идома ёфта, теъдоди ҳарчи бештари кормандони бонкҳои Тоҷикистон имкон пайдо менамоянд аз таҷрибаи ҳамтоёни кореягияшон бархурдор гарданд. Зеро чунин чорабиниҳои таълимӣ дараҷаи тахассусии кормандонро боло бурда, ба рушди низоми бонкӣ мусоидат менамоянд.
Сафири Фавқулода ва Мухтори Ҷумҳурии Корея дар Ҷумҳурии Тоҷикистон Квон Донгсок гуфт, ки Президенти Ҷумҳурии Тоҷикистон муҳтарам Эмомалӣ Раҳмон барои амалӣ намудани ҳамкории дуҷонибаи судманд бо Ҷумҳурии Корея ҳавасманд мебошанд. Ба имзо расидани лоиҳаи Созишномаи байниҳукуматӣ оид ба воридшавии Ҷумҳурии Тоҷикистон ба низоми иҷозати кор дар Ҷумҳурии Корея далели тавсеаи ҳамкории тарафайн мебошад.
Ҷонибҳо омодагиро ҷиҳати амалӣ намудани ҳамкории низоми бонкии Ҷумҳурии Тоҷикистон бо бонкҳои Ҷумҳурии Корея ва дар ин замина кушодани суратҳисобҳои муросилотӣ изҳор доштанд.
Таъкид шуд, ки ин тадбир саривақтӣ буда, ба рушди иқтисоди тарафҳо таъсири мусбат мерасонад. Ҳамзамон изҳори боварӣ шуд, ки ҳамкорӣ бо Низоми миллии пардохти Корея (KFTC) дар самти рақамикунонии пардохтҳо ва вусъат додани ҳисоббаробаркунии ғайринақдӣ густариш меёбад.
АКС: Бонки миллии Тоҷикистон
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
ҚУРБИ АСЪОР: 1 рубли русӣ аз 0.1040 то 0.1144 сомонӣ муқаррар шудааст
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Президенти Ҷумҳурии Тоҷикистон Эмомалӣ Раҳмон бо Ноиби Президенти Бонки аврупоии таҷдид ва рушд Маттео Патроне мулоқот намуданд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
