Дар шаҳри Ҳисор бахшида ба Рӯзи Модар ҷамъомади тантанавӣ баргузор гардид

Март 8, 2024 14:57

ДУШАНБЕ, 08.03.2024 /АМИТ «Ховар»/. Дар сатҳи давлатӣ ва бо тантана ҷашн гирифтани Рӯзи Модар дар Тоҷикистон бозгӯи  эътибору эҳтироми зиёди давлат ва Ҳукумати мамлакат, хосса   Президенти Ҷумҳурии Тоҷикистон муҳтарам Эмомалӣ Раҳмон нисбат ба модарону занон мебошад. Чунин гуфта шуд дар ҷамъомади тантанавӣ, ки ба ифтихори Рӯзи Модар дар шаҳри Ҳисор баргузор гардид.

АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад, ки  роҳбарияти шаҳри Ҳисор ба тамоми занон саломатӣ ва саодати рӯзгор таманно намуданд.

Гуфта шуд, ки нақши занон-модарон дар пойдории давлату миллат, сулҳу ваҳдат, ободии ҳар хонадон, тарбия  ва ба воя расонидани фарзандон, омӯзонидани забони модарӣ, одобу маънавиёт, талқини  эҳсоси баланди худшиносиву худогоҳӣ, ҳисси миллӣ ва ифтихор аз Ватан дар ҷомеа беназир аст.

Раиси шаҳри Ҳисор аз суханронии Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олии мамлакат ёдовар шуда, афзуд, ки имрӯз занон тоҷик ба хотири рушди  соҳаҳои ҳаёти ҷомеа ва давлат, аз ҷумла дар сафи Қувваҳои Мусаллаҳ ва мақомоти ҳифзи ҳуқуқ содиқона хизмат менамоянд. Дар баробари фаъолият дар низоми хизмати давлатӣ, корхонаҳои истеҳсоливу хизматрасонӣ таъсис дода, соҳиби эътибору обрӯ гардидаанд. Шумораи зиёди занону духтарони  лаёқатманду баландихтисос ба идоракунии давлатӣ ҷалб гардидаанд. Нақши занон дар пойдории сулҳу субот, ҳифзи арзишҳои милливу фарҳангӣ, дар ниҳоди фарзандон тарбия намудани ҳисси ватандӯстӣ, ифтихори миллӣ, инсондӯстиву масъулиятшиносӣ, инчунин пешгирӣ аз омилҳои номатлуби иҷтимоӣ муассир аст.


Раиси шаҳр аз матонату фидокории занони шаҳри Ҳисор, ки дар ҷабҳаҳои гуногуни ҳаёти сиёсӣ, иҷтимоиву иқтисодии мамлакат содиқона хизмат намуда, номашонро дар таърихи шаҳр бо ҳарфҳои заррин сабт намудаанд, бо ифтихор сухан гуфт. Изҳор шуд, ки рӯзгори онҳо барои занону духтарони шаҳр намунаи ибрат ва мактаби омӯзиш мебошад. Занони шаҳри Ҳисор дар ҷомеа дар радифи иҷрои  рисолати модарӣ, инчунин тарғиби арзишҳои муқаддаси оиладорӣ ва баланд бардоштани фарҳанги хонаводагиро сарбаландона иҷро менамоянд ва дар рушду ободии мамлакат, раванди бунёдкориву созандагӣ саҳми босазо мегузоранд.

Таъкид шуд, ки соли 2024 бо пешниҳоди Сарвари  давлат Соли маърифати ҳуқуқӣ эълон шудааст, ки он ба баланд бардоштани сатҳи маърифати ҳуқуқии шаҳрвандон, волоияти қонун, риояи талаботу муқаррароти қонунҳои миллии Ҷумҳурии Тоҷикистон, хусусан қонун «Дар бораи танзими анъана ва ҷашну маросим дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд» муосидат менамояд.

Дар анҷом барномаи идонаи консертӣ пешкаши иштирокдорони ҷамъомади тантанавӣ гардонида шуд.

АКС: Мақомоти иҷроияи ҳокимияти давлатии шаҳри Ҳисор

Март 8, 2024 14:57

Хабарҳои дигари ин бахш

НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Имрӯз дар Вазорати тандурустӣ ва ҳифзи иҷтимоии аҳолӣ, Кумитаи кор бо ҷавонон ва варзиш, Кумитаи кор бо занон ва оила, Мақомоти шаҳри Душанбе ва Комиссияи олии аттестатсионӣ нишасти матбуотӣ баргузор мегардад
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Пагоҳ дар Вазорати тандурустӣ ва ҳифзи иҷтимоии аҳолӣ, Кумитаи кор бо ҷавонон ва варзиш, Кумитаи кор бо занон ва оила, Мақомоти шаҳри Душанбе ва Комиссияи олии аттестатсионӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд