Дастовардҳои Тоҷикистон оид ба иҷрои Ҳадафҳои Рушди Устувор дар Женева муаррифӣ шуданд
ДУШАНБЕ, 15.03.2024 /АМИТ «Ховар»/. Вазири рушди иқтисод ва савдои Ҷумҳурии Тоҷикистон Завқӣ Завқизода 14 март дар қисмати ҷамъбастии Форуми сатҳи баланд вобаста ба Ҳадафҳои Рушди Устувор, ки бо ҳамоҳангсозии Комиссияи Иқтисодии Созмони Милали Муттаҳид барои минтақаи Аврупо (UNECE) дар шаҳри Женеваи Швейтсария бо иштироки 56 кишвари аъзои он ва созмонҳои байналмилалӣ баргузор гардид, иштирок ва суханронӣ намуд, хабар медиҳад АМИТ «Ховар» бо истинод ба Вазорати рушди иқтисод ва савдои мамлакат.
Завқӣ Завқизода дастовардҳои Ҷумҳурии Тоҷикистонро оид ба иҷрои Ҳадафҳои рушди устувор муаррифӣ намуда, изҳор дошт, ки Ассамблеяи генералии Созмони Милали Муттаҳид ташаббуси панҷуми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро оид ба эълон намудани соли 2025 Соли байналмилалии ҳифзи пиряхҳо ва 21 март Рӯзи ҷаҳонии пиряхҳо якдилона қабул намуд.
Таъкид гардид, ки Ҳукумати Ҷумҳурии Тоҷикистон Стратегияи рушди иқтисоди «сабз» барои солҳои 2023-2037-ро бомаром татбиқ дорад, ки дар айни замон 98 фоизи неруи барқи мамлакатро энергияи «сабз» ташкил менамояд.
Роҳбари ҳайати расмии ҷумҳурӣ баён намуд, ки тибқи маълумоти Конфронси Савдо ва Рушди Созмони Милали Муттаҳид (UNCTAD) норасоии маблағҳо барои татбиқи пурраи Ҳадафҳои Рушди Устувор ҳамасола ҳудуди 4 триллион доллар дар як солро ташкил медиҳад. Вазир аз шарикони рушд ва кишварҳои донор даъват намуд, ки барои мамлакатҳои рӯ ба инкишоф ва камдаромад маблағҳои бештар ҷудо намоянд.
АКС: Вазорати рушди иқтисод ва савдои Ҷумҳурии Тоҷикистон
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
