Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд

Март 28, 2024 16:06

ДУШАНБЕ, 28.03.2024 /АМИТ «Ховар»/. Дар қароргоҳи Ассамблеяи Парламентии Созмони Аҳдномаи амнияти дастҷамъӣ дар шаҳри Санкт-Петербурги Федератсияи Русия ҷаласаи Комиссияи доимии Созмони Аҳдномаи амнияти дастҷамъӣ оид ба масъалаҳои иҷтимоӣ-иқтисодӣ ва ҳуқуқӣ баргузор гардид, ки дар кори он раиси комиссияи экологии Маҷлиси намояндагони Маҷлиси Олии Ҷумҳурии  Тоҷикистон Муҳаммадраҳим Юсуфӣ дар реҷаи фосилавӣ иштирок намуд. Дар ин хусус АМИТ «Ховар» бо истинод ба Маҷлиси намояндагон хабар медиҳад.

Дар рӯзномаи ҷаласа лоиҳаи Тавсия оид ба ҳамоҳангсозии қонунгузории миллии давлатҳои аъзои Созмони Аҳдномаи амнияти дастҷамъӣ дар соҳаи мубориза бо муҳоҷирати ғайриқонунӣ мавриди баррасӣ қарор гирифт.

Дар ёддошти тавзеҳӣ ба ҳуҷҷат гуфта мешавад, ки ин тавсияҳо бо пешниҳоди Комиссияи доимии Палатаи намояндагони Маҷлиси миллии Ҷумҳурии Беларус оид ба амнияти миллӣ тибқи банди 22 банди 1 Барномаи фаъолияти Ассамблеяи порлумонии Созмони Аҳдномаи амнияти дастҷамъӣ оид ба наздиксозӣ ва ҳамоҳангсозии қонунгузории миллии давлатҳои аъзои Созмони Аҳдномаи амнияти дастҷамъӣ барои солҳои 2021-2025 пешниҳод шудааст.

«Дар шароити муосири иқтисодӣ ва иҷтимоӣ муҳоҷирати аҳолӣ объективона унсури муҳимтарине аст, ки фаъолияти самараноки ҳам механизмҳои иқтисодии ҷаҳонӣ ва ҳам миллиро таъмин менамояд. Яке аз тамоюлҳои номусоиди рушди падидаи муҳоҷирати аҳолӣ дар ҷаҳони муосир миқёси афзояндаи шаклҳои ғайриқонунии он мебошад», — иброз намуд дар ҷаласа муовини аввали сардори Академияи Вазорати корҳои дохилии Ҷумҳурии Беларус Алексей Башан.

Таҳиягарони тавсияҳо ҳамчунин таъкид намудаанд, ки дар ин санад имкони ба ҷавобгарии ҷиноӣ кашидани ҳар нафаре, ки тартиби муқарраршудаи муҳоҷиратро вайрон менамояд, пешбинӣ шудааст.

АКС: Маҷлиси намояндагони Маҷлиси Олии Ҷумҳурии  Тоҷикистон

Март 28, 2024 16:06

Хабарҳои дигари ин бахш

Дар иҷлосияи Маҷлиси намояндагон Созишнома дар бораи таҳкими алоқаи байниҳамдигарии нақлиёти рӯйизаминӣ дар Осиёи Марказӣ ба тасвиб расид
Натиҷаи интихоботи даъвати нави аъзои Маҷлиси миллии Маҷлиси Олӣ дар ҳавзаҳои интихоботии бисёрмандатӣ тасдиқ гардид
Дар Парлумон ба муносибати ҷашни Наврӯз ҳамоиш баргузор гардид
Имрӯз иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир мешавад
Маҳмадтоир Зокирзода: «Даъвати шашум давраи беҳтарин дар корномаи касбии вакилон мебошад»
Иҷлосияи Маҷлиси намояндагони Маҷлиси Олии Ҷумҳурии Тоҷикистон баргузор гардид
Пагоҳ иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор мегардад
Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум 19 март баргузор мегардад
Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум 19 март баргузор мегардад
Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум 19 март баргузор мегардад
Рӯйхати вакилон ба Маҷлиси намояндагони Маҷлиси Олии Ҷумҳурии Тоҷикистон тасдиқ гардид
Эмомалӣ Раҳмон: «18 нафар занон ҳамчун вакили Маҷлиси намояндагон ва 747 нафар ба маҷлисҳои маҳаллӣ интихоб шуданд»