Дар Уммон бар асари обхезиҳо 15 нафар ба ҳалокат расид
ДУШАНБЕ, 16.04.2024 /АМИТ «Ховар»/. Дар Салтанати Уммон борони шадиде, ки рӯзи якшанбе оғоз ёфт, идома дорад. Бориши зиёд боиси обхезиҳое гардид, ки то ин замон 15 нафар ҳалок шудаанд. Мақомот бедаракшудагонро ҷустуҷӯ дошта, шаҳрвандони кишварро даъват менамоянд, ки ҳангоми номусоид будани обу ҳаво тадбирҳои эҳтиётӣ андешанд. Тавре АМИТ «Ховар» иттилоъ медиҳад, дар ин хусус агентии Kazinform бо истинод ба «Timesof Oman» хабар додааст.
Рӯзи душанбе хадамоти мудофиаи шаҳрвандӣ ва изтирории Уммон ҷасади мардеро, ки дар вилояти Аш — Шарқияи Шимолӣ нопадид шуда буд, пайдо карданд.
«Дар доираи талошҳои гурӯҳҳои ҷустуҷӯии раёсати мудофиаи шаҳрвандӣ ва ёрии таъҷилии вилояти Аш-Шарқияи Шимолӣ ва инчунин бо дастгирии ҷонибҳо ва шаҳрвандон ҷасади як гумшудаи дигар пайдо шуд. Ҷустуҷӯи се нафари дигар, аз ҷумла як кӯдак идома дорад», — иброз намуданд дар раёсати мудофиаи шаҳрвандӣ ва ёрии таъҷилии Уммон.
Гурӯҳҳои ҷустуҷӯии Департаменти мудофиаи шаҳрвандӣ ва ёрии таъҷилии вилояти Аш — Шарқияи Шимолӣ баъдтар ҷасадҳои кӯдак ва занро пайдо намуданд, ки дар натиҷа шумораи ҳалокшудагон дар Салтанат ба 15 нафар расид.
Тибқи маълумоти департаменти обуҳавошиносии Уммон, дар вилоятҳои Ал-Шарқияи Ҷанубӣ, Ал-Шарқияи Шимолӣ, Ал-Дохилия ва дар баъзе ноҳияҳои Ал-Доҳира ва Ал-Вусто ҳоло боронҳои пуршиддат меборанд, ки шамоли бошиддат ва баъзан раъду барқ низ бо худ доранд.
АКС: Раёсати мудофиаи гражданӣ ва ёрии таъҷилии Уммон
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
