Дар Вашингтон дурнамои ҳамкории Тоҷикистон бо Хазинаи Байналмилалии Асъор баррасӣ шуд
ДУШАНБЕ, 25.04.2024 /АМИТ «Ховар»/. Раванди иҷрои Барномаи тасдиқшуда- фишанги ҳамоҳангсозии сиёсат, расонидани кумаки техникӣ ва машваратии дар доираи ин барнома пешбинишуда барои рушди иқтидори инсонӣ дар мулоқоти Раиси Бонки миллии Тоҷикистон Фирдавс Толибзода бо директори Департаменти давлатҳои Шарқи Наздик ва Осиёи Марказии Хазинаи Байналмилалии Асъор /ХБА/ Ҷиҳод Азур ва роҳбари ҳайати Хазинаи Байналмилалии Асъор дар Ҷумҳурии Тоҷикистон Метю Гартнер дар Вашингтон баррасӣ гардид.
Ба АМИТ «Ховар» дар Бонки миллии Тоҷикистон иттилоъ доданд, ки вохӯриҳо дар доираи ҷаласаҳои баҳории Хазинаи Байналмилалии Асъор ва Гурӯҳи Бонки ҷаҳонӣ доир гардида, ҷонибҳо атрофи имконоти маблағгузории дарозмуддат барои таҳкими муқовимат ба шокҳои беруна ва тағйирёбии иқлим суҳбат намуданд.
Инчунин дар доираи ҷаласаҳои баҳорӣ Фирдавс Толибзода бо муовини директори Хазинаи Байналмилалии Асъор Бо Ли оид ба татбиқи Барномаи фишанги ҳамоҳангсозии сиёсат ва ба ин васила баланд бардоштани устувории буҷетӣ, шаффофият, нигоҳ доштани суботи макроиқтисодиву молиявӣ ва таҳкими идоракунӣ мулоқот намуд.
Фирдавс Толибзода инчунин дар ҳамоиши вазирон ва мудирони минтақавии Қафқоз ва Осиёи Марказии Хазинаи Байналмилалии Асъор, ки таҳти роҳбарии муовини директори хазина Бо Ли баргузор гардид, иштирок намуд.
АКС: Бонки миллии Тоҷикистон
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
Сулаймон Зиёзода бо ҷамъоварии ҳосили пахта дар ноҳияи Ҷаббор Расулов шинос шуд
Вазорати нақлиёти Тоҷикистон барои навсозии роҳи «Балҷувон-Сари Хосор» бо ширкати чинӣ қарордод ба имзо расонид
Гардиши савдои хориҷии Тоҷикистон беш аз 35 фоиз афзоиш ёфтааст
Дар Душанбе ҷалби сармояи мустақими Саудӣ ба иқтисодиёти Тоҷикистон баррасӣ гардид
Дар Тоҷикистон ҳаҷми истеҳсоли маҳсулоти кишоварзӣ 8,5 фоиз афзоиш ёфтааст
ҚУРБИ АСЪОР: 1 рубли русӣ аз 0.1030 то 0.1144 сомонӣ муқаррар шудааст
Корхонаи воҳиди давлатии «Почтаи Тоҷикистон» фаъолияташро дар шакли муосир ба роҳ мондааст
Дар Тоҷикистон 1028 гармхонаи доимамалкунанда мавҷуд аст
Дар ноҳияи Ҷайҳун ҷамъоварии сабзӣ идома дорад
МАВСИМИ ХУРМО ФАРО РАСИД. Аз истеъмоли ин мева барои саломатӣ истифода бояд бурд
Барои кишти соли 2027 беш аз 218 ҳазор тонна картошкаи тухмӣ захира мегардад
