Ширкатҳои Ҳиндустон ба истеҳсоли молу маҳсулоти саноатӣ дар Тоҷикистон изҳори ҳавасмандӣ намуданд
ДУШАНБЕ, 23.04.2024 /АМИТ «Ховар»/. Бо мусоидати Сафорати Ҷумҳурии Тоҷикистон дар Ҷумҳурии Ҳиндустон дар шаҳри Деҳлии Нав вохӯрии Раиси Палатаи савдо ва саноати Ҷумҳурии Тоҷикистон Ҷамшед Ҷумъахонзода бо шарикон аз Конфедератсияи байналмилалии саноатӣ, Федератсияи палатаҳои савдо ва саноат ва Палатаи савдо ва саноати Ҳиндустон доир гардид. Дар ин хусус АМИТ «Ховар» бо истинод ба Палатаи савдо ва саноати Ҷумҳурии Тоҷикистон хабар медиҳад
Дар мулоқот масъалаҳои мубрам, аз ҷумла имконияти сармоягузории ҷумҳурӣ дар самтҳои саноат, энергетика, рақамикунонӣ, истихроҷ, коркард, банду баст, дорусозӣ, сайёҳӣ, логистика, минтақаҳои озоди иқтисодӣ ва шароити барои соҳибкорону сармоягузорон фароҳам овардаи Ҳукумати Ҷумҳурии Тоҷикистон муаррифӣ шуданд.
Бо назардошти имконияти мавҷуда изҳори ҳавасмандӣ карда шуд, ки ширкатҳои Ҳиндустон истеҳсоли молу маҳсулоти саноатиро дар Тоҷикистон, аз ҷумла минтақаҳои озоди иқтисодии мамлакат амалӣ намоянд.
Ҷамшед Ҷумъахонзода ҳамзамон бо ҳамтоёнаш масъалаи баргузории намоишгоҳҳои молу маҳсулот ва бизнес-форумҳо, ташкили ҳайатҳои тиҷоратии ду давлат, муаррифии молу маҳсулоти Ҷумҳурии Тоҷикистон дар Ҳиндустон ва ҷалби техникаю технологияи Ҳиндустон ба Тоҷикистонро муҳокима намуда, даъват намуд, ки ҳайати баландпояи Ҳиндустон бо ҷараёни фаъолияти минтақаҳои озоди иқтисодӣ ва саноатии мамлакат аз наздик шинос гарданд. Ин даъват бо мамнуният пазируфта шуд.
Дар анҷоми вохӯрӣ ҷонибҳо омодагиашонро ба тавсеаи минбаъдаи ҳамкории тиҷоратию иқтисодӣ баён намуданд.
АКС: Палатаи савдо ва саноати Ҷумҳурии Тоҷикистон
Дар Душанбе Маркази минтақавии омӯзиш ва мониторинги пиряхҳо ва криосфераи Осиёи Марказӣ таъсис меёбад
Осонкунии ҳаракати воситаҳои нақлиёт тавассути сарҳади гумрукии Тоҷикистон ва Узбекистон баррасӣ гардид
«СУҒД-2026». Дар шаҳри Хуҷанд Намоишгоҳи байналмилалии савдо баргузор мешавад
Ҳукумати Тоҷикистон барориши вомбаргҳои «сабз»-ро амалӣ менамояд
Дар Душанбе Форуми дуҷонибаи соҳибкорӣ баргузор гардид
Дар доираи RES-2026 дар Остона таҳкими ҳамкории Тоҷикистон ва Қазоқистон дар соҳаи энергетика баррасӣ шуд
Эмомалӣ Раҳмон: «Дар Тоҷикистон дар доираи Барномаи давлатии сабзкорӣ то соли 2040 беш аз 1 миллиард бех дарахт шинонида мешавад»
Байни вилояти Суғди Тоҷикистон ва вилояти Могилёви Беларус Харитаи роҳ оид ба ҳамкории дуҷониба ба имзо расид
Маркази илмии саратоншиносии ҷумҳуриявӣ дар шаҳри Душанбе бо таҷҳизоти ташхисии соҳавӣ муҷаҳҳаз гардонида мешавад
Дар Бадахшон беш аз 1 тонна молу маҳсулоти пастсифат ва муҳлатгузашта нобуд карда шуд
Намояндагони Бонки миллии Тоҷикистон ва Бонки ҷаҳонӣ масъалаҳои марбут ба идоракунии захираҳои байналмилалиро баррасӣ намуданд
Роҳбарияти Бонки миллии Тоҷикистон дар Вашингтон дар Форуми баландпоя оид ба идоракунии дороиҳо ва захираҳои байналмилалӣ иштирок намуд
