35-СОЛАГИИ ИСТИҚЛОЛИ ДАВЛАТӢ. Дар Кӯлоб сохтмони беш аз 30 иншооти баландошёна идома дорад
КӮЛОБ, 19.05.2024 /АМИТ «Ховар»/. Бахшида ба 35-солагии Истиқлолияти давлатии Тоҷикистон дар шаҳри Кӯлоб аз ҷониби 25 ширкати сохтмонӣ бунёди беш аз 30 иншооти баландошёна идома дорад.
Давоми панҷ соли охир дар шаҳри Кӯлоб сохтмони биноҳои баландошёнаи истиқоматӣ вусъати тоза пайдо намуда, бунёди биноҳои баландошёнаи аз 9 то 26 ошёна шуруъ гардид. Баъзе иншоот алалкай мавриди истифода қарор гирифта, дар иншооти дигар сохтмон идома дорад.
Тавре сармеъмори шаҳри Кӯлоб Алишер Бобоҷонов ба АМИТ «Ховар» иттилоъ дод, ҶДММ “Хосор-С” дар хиёбони Исмоили Сомонии шаҳр сохтмони бинои даҳошёнаи истиқоматиро, ки соли 2019 оғоз намуда буд, бо риояи қоидаҳои меъморию шаҳрсозӣ пурра ба анҷом расонид. Дар ошёнаи якуми бино маркази савдою хизматрасонӣ ва дар нуҳ ошёнаи дигар 70 хонаи истиқоматӣ ҷойгир мебошанд.
Бинои дигари баландошёна аз ҷониби ҶДММ “Кӯлоб-саноатсоз” дар кӯчаи ба номи Нурулло Ҳувайдуллоев бунёд карда мешавад. Аз рӯи лоиҳа дар ин мавзеъ аз ҷониби ширкати сохтмонӣ чор бино сохта мешавад, ки ҳоло дар бинои аввал сохтмон идома дорад.
ҶДММ “Шаҳриёр-44” дар кӯчаи ба номи Сангак Сафаров соли дуюм аст, ки биноҳои баландошёна месозад. Дар корҳои бунёдӣ аз масолеҳи хушсифати сохтмонӣ истифода бурда мешавад. Корҳои асосии бунёдӣ дар ошёнаи 13-уми бинои якум идома доранд.
Ширкати дигари сохтмонӣ ҶДММ “Бунёд-2” мебошад, ки дар шаҳри Кӯлоб аллакай як бинои баландошёнаи истиқоматиро мавриди истифода қарор дод. Дар айни замон бо ҷалби сохтмончиёни маҳаллӣ бунёди бинои дигари баландошёнаи истиқоматӣ идома дорад. Бино аз 12 ошёна ва беш аз 80 хонаи истиқоматӣ иборат мебошад. Корҳои сохтмонӣ дар ошёнаи шашуми иншоот идома дошта, дар арафаи ҷашни 35-солагии Истиқлолияти давлатии Тоҷикистон ба истифода супорида мешавад.
ҶДММ “Махсус” дар шаҳри Кӯлоб ва дигар шаҳру ноҳияҳои мамлакат иншооти гуногуни маданию маишӣ, хизматрасонӣ ва маъмурӣ бунёд менамояд. Ҷамъият дар маҳаллаи Шамсиддини Шоҳини шаҳри Кӯлоб аз моҳи сентябри соли 2023 бунёди биноҳои баландошёнаи истиқоматиро оғоз намудааст. Дар айни замон бо ҷалби техникаҳои соҳавӣ ва мутахассисони маҳаллӣ корҳои оҳану бетонӣ идома доранд.
АКС: АМИТ «Ховар»
Сарвари давлат Эмомалӣ Раҳмон дар Минтақаи озоди иқтисодии Суғд марҳилаи дуюми ҶДММ «Сайри Суғд»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 4 иншоотро дар шаҳри Хуҷанд ва ноҳияи Кӯҳистони Мастчоҳ ифтитоҳ намуданд
Пешвои миллат Эмомалӣ Раҳмон дар шаҳри Хуҷанд бинои нави маъмурии Суди вилояти Суғдро ба истифода доданд
Сарвари давлат Эмомалӣ Раҳмон аз намоиши маҳсулоти кишоварзӣ ва дастовардҳои соҳаи аграрии ноҳияи Бобоҷон Ғафуров дидан намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров бинои нави маъмурии Маркази солимгардонии Соҳили Унҷиро ифтитоҳ намуданд
Пешвои миллат Эмомалӣ Раҳмон дар ноҳияи Бобоҷон Ғафуров 4 иншооти таъйиноти гуногунро ба таври фосилавӣ ба истифода доданд
Сарвари давлат Эмомалӣ Раҳмон дар ноҳияи Бобоҷон Ғафуров ба фаъолияти корхонаи истеҳсоли орд барои макарон дар назди ҶДММ «Ирода инвест» оғоз бахшиданд
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич хатти нави оби полезиро бо дарозии 12 километр мавриди истифода қарор доданд
Пешвои миллат Эмомалӣ Раҳмон дар ноҳияи Деваштич ба таври фосилавӣ 12 иншооти гуногунтаъйинотро ифтитоҳ намуданд
Сарвари давлат Эмомалӣ Раҳмон дар ноҳияи Деваштич бинои нави беморхонаи марказии №6-ро ба истифода доданд
