Бонки ҷаҳонӣ талошҳои Тоҷикистонро дар самти тавсеаи ҳисоббаробаркунии ғайринақдӣ ҷонибдорӣ менамояд
ДУШАНБЕ, 24.05.2024 /АМИТ «Ховар»/. Масъалаҳои марбут ба таҳкими ҳамкории дуҷонибаи Бонки миллии Тоҷикистон ва Бонки ҷаҳонӣ дар мулоқоти Раиси Бонки миллии Тоҷикистон Фирдавс Толибзода бо намояндагони Бонки ҷаҳонӣ таҳти роҳбарии директори минтақавии Бонки ҷаҳонӣ дар Осиёи Марказӣ Асад Алам дар Душанбе баррасӣ гардид, хабар медиҳад АМИТ «Ховар» бо истинод ба Бонки миллии Тоҷикистон.
Дар мулоқот ҷонибҳо вазъи кунунии низоми бонкӣ ва нишондиҳандаҳои макроиқтисодии мамлакат, инчунин дурнамои рушд ва густариши ҳамкориро бо таваҷҷуҳ ба истифодаи имконияту захираҳои мавҷуда муҳокима намуданд.
Гуфта шуд, ки Бонки миллии Тоҷикистон ҳамчун танзимгари низом бо назардошти аҳамияти афзояндаи бахши молиявӣ дар сабзгардонии иқтисод пайваста бо институтҳои молиявии байналмилалӣ ҳамкорӣ намуда, ба муассисаҳои молиявии мамлакат дар таҳия ва татбиқи таҷрибаи беҳтарини ESG, татбиқи барномаҳои тағйирёбии иқлим ва идоракунии хавфҳои экологӣ кумак мерасонад.
Мусоҳибон доир ба Лоиҳаи дастгирии сиёсати рушд (DPO) ва омӯзиши самтҳои нави шарикӣ барои дастгирии мақсадҳои рушди иҷтимоию иқтисодии мамлакат дар оянда, аз ҷумла рушди пардохтҳои ғайринақдӣ дар иқтисодиёт табодули назар карда, татбиқи онро барои рушди иҷтимоию иқтисодии мамлакат, хусусан рушди пардохтҳои ғайринақдӣ муҳим арзёбӣ намуданд.
Ҳайати Бонки ҷаҳонӣ аз талошҳои Тоҷикистон дар самти вусъат бахшидани ҳисоббаробаркунии ғайринақдӣ дар муомилот ёдовар гардид. Гуфта шуд, ки Бонки ҷаҳонӣ ин кӯшишҳоро дастгирӣ менамояд.
АКС: Бонки миллии Тоҷикистон
Байни Вазорати кишоварзии Тоҷикистон ва Вазорати кишоварзии Қазоқистон Ёддошти тафоҳум ба имзо расид
Ассотсиатсияи бонкҳои Тоҷикистон вобаста ба роҳҳои пешгирии амалҳои қаллобӣ барои мутахассисони филиалҳои ташкилоти қарзии молиявии Суғд машварат гузаронид
НАЗАРИ КОРШИНОС. Рушди минбаъдаи иқтисодиёти Тоҷикистон бояд ба рушди фаъолияти соҳибкорию бахши хусусӣ нигаронида шавад
Дар Душанбе ба маблағи зиёда аз 47 миллион доллар созишномаҳои грантӣ ба имзо расиданд
Байни Кумитаи бехатарии озуқавории Тоҷикистон ва Кумитаи назорат ва бозрасии ветеринарии Вазорати кишоварзии Қазоқистон Ёддошти тафоҳум ба имзо расид
ИМЗОИ ЁДДОШТИ ТАФОҲУМ. Тоҷикистон ва Қазоқистон ҳамкориро дар соҳаи нафту газ тақвият мебахшанд
Таҷрибаи Қазоқистон дар самти иқтисоди рақамӣ, ҳукумати электронӣ ва ҳисоббаробаркунии ғайринақдӣ мавриди истифодаи Тоҷикистон қарор мегирад
Дар ноҳияи Зафаробод коргоҳи истеҳсоли мумфарш ба фаъолият оғоз намуд
Байни Тоҷикистон ва Қазоқистон Ёддошти тафоҳум оид ба ҳамкорӣ дар соҳаи стандартизатсия, метрология ва баҳодиҳии мутобиқат ба имзо расид
Шарикони рушд дар барқарорсозии роҳу пулҳои аз офатҳои табиӣ зарардида кумак менамоянд
Агентии «Тоҷикстандарт» ба соҳибкорон моҳияти татбиқи стандартҳои байналмилалиро меомӯзонад
ТОҶИКИСТОН ВА ҚАЗОҚИСТОН. Гардиши тиҷорати хориҷӣ байни ду давлат соли гузашта 1,2 миллиард доллари ИМА-ро ташкил дод
