Дар ҷаласаи ҳамоҳангсозон ва коршиносони бонкҳои аъзои Иттиҳоди байнибонкии СҲШ тақвияти ҳамкории байнибонкӣ баррасӣ шуд
ДУШАНБЕ, 17.05.2024. /АМИТ «Ховар»/. Ҳайати кории Корхонаи воҳиди давлатии /КВД/ Бонки амонатгузории Ҷумҳурии Тоҷикистон «Амонатбонк» дар ҷаласаи ҳамоҳангсозон ва коршиносони бонкҳои аъзои Иттиҳоди байнибонкии Созмони ҳамкории Шанхай (ИББ СҲШ), ки таҳти раисии Бонки рушди Қазоқистон ба таври маҷозӣ баргузор гардид, маъруза намуд. Дар ин хусус ба АМИТ «Ховар» дар «Амонатбонк» иттилоъ доданд.
Дар ҷаласа ҳайатҳои расмии бонкҳои аъзои Иттиҳоди байнибонкии Созмони ҳамкории Шанхай масъалаҳои марбут ба вусъати ҳамкории байнибонкӣ дар доираи Иттиҳоди байнибонкӣ, таҳия ва татбиқи шаклҳои нави ҳамгироӣ бо мақсади баланд бардоштани самти маблағгузории муштараки лоиҳаҳо, аз ҷумла лоиҳаҳои ESG байни бонкҳои аъзои ин Иттиҳод, ҳамкории бонкҳои аъзои Иттиҳод дар самти табодули таҷриба ва бозомӯзии мутахассисон бо мақсади баланд бардоштани иқтидори онҳоро баррасӣ намуданд.
Инчунин дар ҷаласа лоиҳаи Ёддошти тафоҳум барои ҳамкорӣ дар самти маблағгузории ESG байни бонкҳои аъзои Иттиҳоди байнибонкии Созмони ҳамкории Шанхай муҳокима гардида, барои имзо ба Шурои Иттиҳод пешниҳод гардид.
АКС: «Амонатбонк»
Даромади буҷети давлатии Тоҷикистон барои соли 2027 80,1 миллиард сомонӣ пешбинӣ шудааст
ПУЛИ МИЛЛӢ –«СОМОНӢ». Банкнотаҳои он на танҳо воситаи пардохт, балки бозтоби таърих, фарҳанг, дастовардҳо ва ҳувияти миллии Тоҷикистон мебошанд
Дар Душанбе Конфронси байналмилалӣ оид ба зеҳни сунъӣ — AICONF-2026 оғоз гардид
ТАЪРИХИ ПАЙДОИШИ АСЪОРИ МИЛЛӢ. Эҳтироми пули миллӣ эҳтироми миллат аст!
ҚУРБИ АСЪОР: 1 доллари ИМА аз 9.1400 то 9.2165 сомонӣ муқаррар шудааст
Дар Остона Конфронси байналмилалии иқтисодии Фонди авруосиёии субот ва рушд баргузор гардид
Байни Тоҷикистон ва БАТР ба маблағи беш аз 62 миллион евро созишномаҳои қарзию грантӣ ба имзо расиданд
Пагоҳ ҷаласаи 26-уми Кумитаи роҳбарони воҳидҳои ҳифзи ҳуқуқи Шурои роҳбарони хадамоти гумруки ИДМ баргузор мешавад
Дар Душанбе ҷаласаи 25-уми RILO-Москва баргузор гардид
Муовини Сарвазири Тоҷикистон бо вазъи корҳои саҳроӣ дар ноҳияи Зафаробод шинос шуд
Агентии омор: «Дар Тоҷикистон шумораи субъектҳои хоҷагидор зиёд шудааст»
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
