Коршиносони Маркази тадқиқоти стратегӣ дар конфронси байналмилалӣ доир ба рушд ва ҳамкории Чин ва Тоҷикистон иштирок намуданд
ДУШАНБЕ, 21.05.2024 /АМИТ «Ховар»/. 20 май дар шаҳри Ландҷоуи Ҷумҳурии Мардумии Чин дар мавзуи «Рушд ва ҳамкории Чин ва Тоҷикистон» конфронси байналмилалӣ баргузор гардид, ки дар он коршиносони марказҳои таҳлилию таҳқиқотӣ ва ҳайати омӯзгорону муҳаққиқони Академияи миллии илмҳои Тоҷикистон ва Академияи идоракунии давлатии назди Президенти Ҷумҳурии Тоҷикистон иштирок намуданд. Дар ин хусус ба АМИТ «Ховар» дар хадамоти матбуоти Маркази тадқиқоти стратегии назди Президенти Ҷумҳурии Тоҷикистон хабар доданд.
Дар чаҳорчӯби кори конфронс иштирокчиён доир ба паҳлуҳои васеи масъалаҳои марбут ба ҳамкории дуҷонибаи Ҷумҳурии Тоҷикистон ва Ҷумҳурии Мардумии Чин табодули афкор намуданд.
Зимни конфронс аз ҷониби директори Институти иқтисодиёт ва демографияи Академияи миллии илмҳои Тоҷикистон ва профессори Институти таҳқиқоти Осиёи миёнаи Донишгоҳи Ландҷоу «Маркази омӯзиши Тоҷикистон» ифтитоҳ карда шуд.
Дар қисми ниҳоии конфронс доир ба маърузаҳои пешниҳодшуда байни иштирокчиёни конфронс табодули афкор доир шуд.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
Имрӯз дар шаҳри Душанбе ҳаво то 23 дараҷа гарм мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
