КУМАКИ ПРЕЗИДЕНТИ ТОҶИКИСТОН БА РОҲДОРОН. Ба муассисаҳои хоҷагии роҳ ва нигоҳдории роҳҳои автомобилгарди минтақаи Рашт техникаи нав дастрас гардид
ДУШАНБЕ, 23.05.2024 /АМИТ «Ховар»/. Бо дастгирии Президенти Ҷумҳурии Тоҷикистон муҳтарам Эмомалӣ Раҳмон барои сари вақт бартараф кардани оқибати офати табиӣ дар маҳалҳои осебдида дар шарқи мамлакат ба роҳдорони минтақаи Рашт боз ду техникаи нав — 1 мошини белдори механикӣ (мехлопата) ва 1 автогрейдер супорида шуд. Дар ин хусус ба АМИТ «Ховар» дар Вазорати нақлиёти Тоҷикистон хабар доданд.
Сарвари давлат муҳтарам Эмомалӣ Раҳмон қаблан низ ба роҳдорон як миқдор техникаи махсуси роҳнигоҳдорӣ, иборат аз 5 боркунаки фронталии тамғаи «Lovol-FL», як экскаватори тасмачархи тамғаи «Lovol-FL-220D2» ва 4 автогрейдери тамғаи «Lutong Py180» туҳфа карда буданд.
Ин техникаҳо 7 майи имсол ба муассисаҳои хоҷагии роҳ ва нигоҳдории роҳҳои автомобилгарди минтақаҳои Рашт ва Кӯлоб супорида шуд. Қаблан роҳдорони ноҳияи Сангвор як мошини белдори механикии дигар низ туҳфа гирифта буданд.
Хотиррасон мешавем, ки 20 май Президенти Ҷумҳурии Тоҷикистон муҳтарам Эмомалӣ Раҳмон бо иштироки Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ, роҳбарони якчанд сохтори марказии мамлакат ва вазорату идораҳои ҷумҳуриявӣ машварати корӣ доир намуданд. Сарвари давлат барои сари вақт бартараф намудани оқибатҳои офати табиӣ дар минтақаҳои гуногуни мамлакат, таъмиру боз намудани роҳҳои зарардида ва расонидани кумаки зарурӣ ба мардуми зарардида ба роҳбарону идораҳои масъул супоришҳои мушаххас доданд.
АКС: Вазорати нақлиёти Ҷумҳурии Тоҷикистон
Байни Тоҷикистон ва БАТР ба маблағи беш аз 62 миллион евро созишномаҳои қарзию грантӣ ба имзо расиданд
Пагоҳ ҷаласаи 26-уми Кумитаи роҳбарони воҳидҳои ҳифзи ҳуқуқи Шурои роҳбарони хадамоти гумруки ИДМ баргузор мешавад
Дар Душанбе ҷаласаи 25-уми RILO-Москва баргузор гардид
Муовини Сарвазири Тоҷикистон бо вазъи корҳои саҳроӣ дар ноҳияи Зафаробод шинос шуд
Агентии омор: «Дар Тоҷикистон шумораи субъектҳои хоҷагидор зиёд шудааст»
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Ҳайати Тоҷикистон дар Машварати сеюми роҳбарони мақомоти зиддикоррупсионии кишварҳои аъзои Созмони ҳамкории исломӣ иштирок намуд
Тағйирёбии иқлим сабаби коҳиш ёфтани ҳосилнокии мева дар Тоҷикистон гардид
Дар Минтақаи озоди иқтисодии «Кӯлоб» бинои нави дидбонгоҳи гумрукӣ ба истифода дода шуд
Дар Душанбе масъалаи татбиқи лоиҳаву барномаҳои муштарак бо намояндаи ЮНИСЕФ баррасӣ гардид
Муовини Сарвазири Тоҷикистон бо вазъи корҳои саҳроӣ ва ҳолати инфрасохтори обёрии ноҳияи Мастчоҳ шинос шуд
Дар Душанбе оид ба ташхиси макроиқтисодӣ ҳамоиш баргузор шуд
