35-СОЛАГИИ ИСТИҚЛОЛИЯТИ ДАВЛАТӢ. Роҳи мошингарди маҳаллаи Носири Хусрави шаҳри Хоруғ мумфарш мегардад
ДУШАНБЕ, 15.06.2024 /АМИТ «Ховар»/. Бо мақсади сазовор пешвоз гирифтани ҷашни 35-солагии Истиқлолияти давлатии Ҷумҳурии Тоҷикистон таъмиру навсозии роҳҳои маҳаллии шаҳри Хоруғ идома дошта, айни замон корҳои мумфаршсозии роҳи мошингарди маҳаллаи Носири Хусрав оғоз гардидааст, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон.
Раиси Вилояти Мухтори Кӯҳистони Бадахшон Алишер Мирзонабот зимни шиносоӣ ба масъулин ҷиҳати анҷоми босифати кор ҳангоми мумфаршсозии роҳи мазкур, насби обравҳо, сафолакпӯш намудани пиёдагардҳо, сабз гардондании шафати роҳҳо, аз ҷумла шинонидани гулу буттаҳо, дарахтони сояафкан ва ороишии ба шароити иқлими вилоят мутобиқ, тавсияҳои муфид дод.
Номбурда ҳамзамон барои ба тартиб даровардани роҳравҳои асосии шаҳр ва иваз намудани обравҳои фарсуда масъулинро вазифадор намуда, иброз дошт, ки шаҳри Хоруғ чун маркази маъмурии Вилояти Мухтори Кӯҳистони Бадахшон бояд ҳамеша ободу зебо ва намунаи ибрат бошад. Раиси вилоят илова кард, ки то ҷашни фархундаи миллӣ — 35-солагии Истиқлолияти давлатӣ симои шаҳри Хоруғ бояд ба таври шинохтанашаванда дигаргун гашта, роҳҳои маҳаллӣ ва шоҳроҳҳо таъмиру навсозӣ гарданд.
«Ободии роҳҳо пеш аз ҳама барои рушди сайёҳӣ дар вилоят мусоидат менамояд»,- гуфт Алишер Мирзонабот.
Ёдовар мешавем, ки дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон 28 декабри соли 2023 баён гардид, ки дар Вилояти Мухтори Кӯҳистони Бадахшон таҷдиду барқарорсозии роҳи мошингарди Қалъаихумб – Ванҷ – сарҳади ноҳияи Рӯшон (93 километр) бо сохтмони ду нақб бо дарозии 5,2 километр ба маблағи 2,2 миллиард сомонӣ, сохтмони ду пул бо дарозии 283 метр аз болои дарёҳои Ғунд ва Шорфдара, 4,5 километр роҳ ва долонҳои зидди тарма (550 метр) ба маблағи 342 миллион сомонӣ идома дорад.
Рухсораи НУР,
АМИТ «Ховар»
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Дар ноҳияи Восеъ иншооти гуногуни иҷтимоӣ ба истифода дода шуданд
СОЛҲОИ РУШДИ САНОАТ. Дар шаҳри Кӯлоб 77 корхонаи саноатӣ фаъолият менамояд
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Сарвари давлат Эмомалӣ Раҳмон пас аз анҷоми сафари корӣ дар шаҳру ноҳияҳои минтақаи Кӯлоби вилояти Хатлон ба шаҳри Душанбе баргаштанд
Пешвои миллат Эмомалӣ Раҳмон дар чорабинии тантанавии идона ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб иштирок намуданд
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
