Дар Беморхонаи ҷумҳуриявии бемориҳои чашм дар Тоҷикистон аз ҷониби табибони Чин ҷарроҳии ройгони чашм гузаронида мешавад
ДУШАНБЕ, 05.06.2024 /АМИТ «Ховар»/. Аз 30 май то 18 июни имсол дар Муассисаи давлатии «Беморхонаи ҷумҳуриявии бемориҳои чашм» аз ҷониби табибони Ҷумҳурии Мардумии Чин дар Ҷумҳурии Тоҷикистон ҷарроҳии ройгони катарактаи чашм барои 500 бемори ниёзманд гузаронида мешавад. Дар ин хусус ба АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Ин иқдом зимни вохӯрии Вазири тандурустӣ ва ҳифзи иҷтимоии аҳолии Ҷумҳурии Тоҷикистон ва намояндагони барномаи «Сайёҳии равшан, Экспресс – саломатӣ»-и Ҷумҳурии Мардумии Чин, ки 18 апрели имсол доир шуда буд, бо мақсади гузаронидани амалиёти ҷарроҳӣ байни Вазорати тандурустӣ ва ҳифзи иҷтимоии аҳолии мамлакат ва Кумитаи давлатии Чин оид ба тандурустӣ созишнома баста шуд.
Дар ин робита аз тарафи Вазорати тандурустӣ ва ҳифзи иҷтимоии аҳолӣ гурӯҳи корӣ оид ба муайян намудани шумораи дақиқи нафарони ниёзманд ба ҷарроҳӣ ташкил гардид.
Имрӯз зимни вохӯрӣ муовини Вазири тандурустӣ ва ҳифзи иҷтимоии аҳолии мамлакат ва масъулони соҳа бо роҳбари барномаи «Сайёҳии равшан, Экспресс – саломатӣ»-и Ҷумҳурии Мардумии Чин Тан Яосзун иброз гардид, ки дар доираи барнома ҳамҷун кумаки башардӯстона таҷҳизот ба маблағи 1 миллион юан тақдим мешавад.
Иттилоъ дода шуд, ки тамоми шаҳрвандони ҷумҳурӣ метавонанд барои гузаронидани амалиёти ҷарроҳии чашм, яъне катаракта тариқи ройгон то 18 июн ба Муассисаи давлатии “Беморхонаи ҷумҳуриявии бемориҳои чашм” муроҷиат намоянд.
АКС: АМИТ «Ховар»
«ЧИЛ ДУХТАРИ ТОҶИК БО ЧИЛ ГЕСӮИ ДАРОЗ». Таҳти ин унвон намоиши либосҳои миллӣ баргузор гардид
Шумораи аҳолии машғул ба фаъолияти иқтисодӣ дар Тоҷикистон беш аз 2 миллион нафарро ташкил медиҳад
Дар минтақаи Кӯлоб шумораи нафақагирон беш аз 127 ҳазор нафарро ташкил медиҳад
Ба 12 оилаи аз офати табиӣ зарардидаи ноҳияи Абдураҳмони Ҷомӣ қитъаи замини наздиҳавлигӣ ҷудо гардид
Оид ба низоми электронии дипломҳо машваратҳои омӯзишӣ баргузор шуданд
ТАВСИЯҲОИ МУФИД. Доир ба аҳамият ва тарзи тайёр намудани шарбату консерваҳо барои фасли зимистон
Доир ба татбиқи «Барномаи давлатии солимии репродуктивӣ барои солҳои 2023-2027» ҷаласа баргузор шуд
ОГОҲӢ! Аз 25 то 27 июл дар баъзе минтақаҳои Тоҷикистон сар задани сел пешгӯӣ мешавад
Кумаки Президенти Тоҷикистон ба сокинони аз офати табиӣ зарардидаи ноҳияи Рӯшон расид
Ҷаласаи Комиссияи сетарафаи танзими муносибатҳои иҷтимоию меҳнатӣ дар Ҷумҳурии Тоҷикистон баргузор шуд
Дар мақомоти Ваколатдор оид ба ҳуқуқи инсон доир ба қабули Қонуни Ҷумҳурии Тоҷикистон «Дар бораи авф» ҳамоиш баргузор шуд
Сокинони деҳаҳои аз офати табиӣ зарардидаи ноҳияи Рӯшон бо неруи барқ таъмин карда шуданд 
