Дар хатсайри Қошғар-Хуҷанд-Қошғар парвози нахустин амалӣ гардид
ДУШАНБЕ, 08.06.2024 /АМИТ «Ховар»/. 7 июн дар Ҷамъияти саҳомии кушодаи «Фурудгоҳи байналмилалии Хуҷанд» парвози нахустин дар хатсайри Қошғар-Хуҷанд-Қошғар амалӣ гардид. Дар ин хусус ба АМИТ «Ховар» дар маркази матбуот ва робита бо ҷомеаи ин ҷамъият иттилоъ доданд.
Роҳбарият ва гурӯҳи кории ширкати ҳавопаймоии «Chandu — Airlines»-и Чинро, ки ба Фурудгоҳи байналмилалии Хуҷанд омаданд, директори генералии Ҷамъияти саҳомии кушодаи «Фурудгоҳи байналмилалии Хуҷанд» Қурбони Алимардон ва роҳбарону намояндагони хадамоту сохтори фурудгоҳ дар фазои дӯстиву рафоқат самимона истиқбол гирифтанд.
Зимни қабули меҳмонон таъкид шуд, ки роҳбарияти Фурудгоҳи байналмилалии Хуҷанд тасмим гирифтааст, ки ҳамкориро бо ширкатҳои ҳавопаймоии хориҷӣ густариш дода, хатсайрҳои ҳавоиро бештар намояд.
Парвоз дар хатсайри нави самти Қошғар-Хуҷанд-Қошғар ҳафтае як маротиба аз Фурудгоҳи байналмилалии Хуҷанд ба Фурудгоҳи байналмилалии Қоши-Лайнин, ки дар ноҳияи худмухтори Қошғари музофоти Синзян-Уйғури Ҷумҳурии Мардумии Чин ҷойгир аст, амалӣ мешавад. Вақти парвоз 1,5 соат буда, ба мусофирон дар ин масир ширкати ҳавопаймоии «Chandu — Airlines» хизмат мерасонад.
Минбаъд мусофирон метавонанд пас аз парвоз ба шаҳри Қошғар ба дигар минтақаҳои Ҷумҳурии Мардумии Чин бо харҷи кам тавассути ҳама намуди нақлиёт сафар намоянд.
Таъкид шуд, ки минбаъд шумораи парвозҳо дар хатсайри Қошғар-Хуҷанд-Қошғар зиёд карда мешавад.
АКС: Фурудгоҳи байналмилалии Хуҷанд
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
