ИМРӮЗ — РӮЗИ ХИЗМАТИ ДАВЛАТИИ СОЗМОНИ МИЛАЛИ МУТТАҲИД ДАР ҶАҲОН. Бахшида ба ин сана дар Душанбе конференсияи ҷумҳуриявӣ доир гардид
ДУШАНБЕ, 23.06.2024 /АМИТ «Ховар»/. 23 июн дар ҷаҳон Рӯзи хизмати давлатии Созмони Милали Муттаҳид /СММ/ таҷлил мегардад. Дар иртибот ба ин сана дар шаҳри Душанбе бо ибтикори Агентии хизмати давлатии назди Президенти Ҷумҳурии Тоҷикистон Конференсияи ҷумҳуриявӣ дар мавзуи «Президенти Ҷумҳурии Тоҷикистон муҳтарам Эмомалӣ Раҳмон — бунёдгузори хизмати давлатии муосири Тоҷикистон» баргузор гардид, хабар медиҳад АМИТ «Ховар» бо истинод ба Агентии хизмати давлатӣ.
Дар конференсия директори Агентии хизмати давлатӣ Ҷумъа Давлатов иброз намуд, ки тибқи қатъномаи Ассамблеяи Генералии Созмони Милали Муттаҳид аз 20 декабри соли 2002 санаи 23 июн ҳамчун Рӯзи хизмати давлатии давлатҳои Созмони Милали Муттаҳид таҷлил мегардад. Ҳамасола давлатҳои узви Созмони Милали Муттаҳид дар ин рӯз чорабиниҳои махсус ташкил намуда, аҳамияти хизмати давлатӣ ва нақши он дар рушди иҷтимоию иқтисодии мамлакатҳоро арзёбӣ мекунанд.
Гуфта шуд, ки ташаккули хизмати давлатӣ дар Ҷумҳурии Тоҷикистон бо равандҳои таҳкими истиқлоли давлатӣ, бунёди низоми нави сиёсӣ, рушди иқтисоди миллӣ, ислоҳоти системаи идоракунии давлатӣ ва татбиқи сиёсати давлатии кадрҳо алоқамандии зич дорад.
Таъкид гардид, ки Академияи идоракунии давлатии назди Президенти Ҷумҳурии Тоҷикистон ҳамчун муассисаи олии таълимие мебошад, ки дар тайёр намудани хизматчиёни давлатии касбӣ ва рушди хизмати давлатии муосир саҳми назарраси худро мегузорад. Ҳамасола зиёда аз ҳазор нафар донишҷӯю магистрант академияро аз рӯйи ихтисосҳои гуногуни хизмати давлатӣ хатм намуда, зиёда аз се ҳазор нафар хизматчии давлатӣ аз машғулиятҳои такмили ихтисос ва таҷрибаомӯзӣ гузаронида мешаванд.
Роҳбарияти академия барои баланд бардоштани сатҳу сифати таълим тадбирҳои заруриро роҳандозӣ намуда, талош бар он дорад, ки мутахассисони ба бозори меҳнат рақобатпазир омода гарданд ва онҳо тавонанд дар пешравии ҷомеа нақши муассири худро гузоранд.
Дар рафти конфронс меҳмонону намоянагони ниҳодҳои Созмони Милали Муттаҳид дар Тоҷикистон, собиқадорони хизмати давлатӣ ва коршиносони соҳа доир ба рушди хизмати давлатӣ, нақши хизматчиёни давлатӣ дар татбиқи сиёсати дохилӣ ва хориҷии мамлакат, ҳадафҳои ҳукумати ҷумҳурӣ дар самти таъмини зиндагии арзандаи сокинон, саҳми ҷавонону занон дар ҳаёти сиёсӣ ва иқтисодию иҷтимоии давлат, ҳамзамон расидан ба қадри сулҳу субот ва ваҳдату ягонагӣ сухан намуданд.
Дар ҷамъбасти конфронси ҷумҳуриявӣ бо фармоиши Агентии хизмати давлатии назди Президенти Ҷумҳурии Тоҷикистон як зумра хизматчиёни давлатӣ барои саҳми муносиб гузоштан дар рушди хизмати давлатӣ бо ифтихорномаҳо қадршиносӣ гардиданд.
АКС: Агентии хизмати давлатии назди Президенти Ҷумҳурии Тоҷикистон
Эмомалӣ Раҳмон: «Тавоноии миллату давлат бо устувориву пойдории мавҷудияти ваҳдати миллӣ ва сулҳу субот пайванди ногусастанӣ дорад»
Вазири тандурустӣ ва ҳифзи иҷтимоии аҳолии Тоҷикистон дар шаҳри Урумчии Чин бо донишҷӯёни тоҷик вохӯрӣ анҷом дод
«МО БО ШУМО ИФТИХОР МЕКУНЕМ!». Таҳти чунин унвон ҳайати гурӯҳи кории Кумитаи кор бо ҷавонон ва варзиш бо афсарону сарбозон вохӯрӣ намуд
Қабул шудани Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» иқдоми зарурӣ ба саривақтӣ мебошад
Сарвари давлат: «Қаҳрамони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
Намояндагони Тоҷикистон дар Фестивали ҷаҳонии ҷавонон дар Узбекистон иштирок доранд
Сардори Хадамоти иҷро Барно Саидвализода: «Ягона омили муассири ҳаёти осоишта ва рӯзгори равшану босаодат ваҳдат ва сулҳу ҳамдилӣ мебошад»
ПЕШВОИ ЯТИМПАРВАРИ МИЛЛАТ. Барои 50 нафар ятими кулл — сарбозони Артиши миллӣ саёҳат ба мавзеъҳои ҷолиби шаҳрҳои Ҳисор ва Душанбе ташкил гардид
Кумитаи ҳолатҳои фавқулода ва мудофиаи гражданӣ: «Баъзе аз шаҳрвандон қоидаҳои бехатариву амниятро риоя намекунанд»
Ҷавонони Тоҷикистон дар Форуми ҷаҳонии ҷавонони Узбекистон иштирок мекунанд
ОГОҲИИ АГЕНТИИ ОБУҲАВОШИНОСӢ. Аз 26 то 28 июн дар Тоҷикистон ҳавои номусоид дар назар аст
Конфронси байналмилалии «Тоҷикистон-Чин: ҳолат ва дурнамои шарикии ҳамаҷонибаи стратегӣ дар давраи нав» ба кори худ оғоз намуд
