Корхонаи воҳиди давлатии «Тоҷикаэронавигатсия» ба узвияти CANSO пазируфта шуд
ДУШАНБЕ, 24.06.2024/АМИТ «Ховар»/. Таъминкунандаи хизматрасонии аэронавигатсионӣ (ANSP)-и Ҷумҳурии Тоҷикистон — Корхонаи воҳиди давлатии «Тоҷикаэронавигатсия» ба узвияти Ташкилоти хизматрасониҳои аэронавигатсионии гражданӣ (CANSO) пазируфта шуд, иттилоъ медиҳад АМИТ «Ховар» бо истинод ба ин корхона.
Директори генералии CANSO Симон Хоккар дар 28-умин Маҷлиси умумии солонаи (AGM) ташкилоти мазкур изҳор намуд, ки «мо аз пазируфта шудани Корхонаи воҳиди давлатии «Тоҷикаэронавигатсия» ҳамчун узви CANSO шодем. Таҷриба ва уҳдадориҳои Корхонаи воҳиди давлатии «Тоҷикаэронавигатсия» дар таъмини хизматрасониҳои бехатар ва самараноки аэронавигатсионӣ дар Осиёи Марказӣ ба ҷидду ҷаҳди муштараки мо дар роҳи беҳтар намудани фазои авиатсионии ҷаҳонӣ боз ҳам таҳким хоҳад бахшид. Мо бесаброна иштироки фаъолонаи корхонаро дар фаъолият ва ташаббусҳои CANSO интизорем».
Муовини якуми директори генералии Корхонаи воҳиди давлатии «Тоҷикаэронавигатсия» Даврон Шодмонбекзода гуфт, ки шомил шудан ба CANSO ба ҳайси узви комилҳуқуқ имкон медиҳад, ки иқтидори худро тақвият бахшем, таҷрибаи пешқадамро мубодила ва ҳамкориро таҳким бахшем.
Узвияти Корхонаи воҳиди давлатии «Тоҷикаэронавигатсия» ба СANSO дар маҷмуъ ба мақомоти авиатсионии Тоҷикистон баманфиат аст ва тасмими мазкур уҳдадориҳои корхонаро барои нигоҳ доштани стандартҳои баландтарини хизматрасонии аэронавигатсионӣ ифода менамояд.
АКС: Корхонаи воҳиди давлатии «Тоҷикаэронавигатсия»
Қонуни Ҷумҳурии Тоҷикистон «Дар бораи сиёсати аграрӣ» таҳия гардидааст
КОНСЕПСИЯИ ИҚТИСОДИ РАҚАМӢ. Он санади муҳим дар самти рақамикунонии иқтисодиёти миллии Тоҷикистон аст
Барномаи рушди чарогоҳҳо барои таҳкими иқтисоди Тоҷикистон замина фароҳам меорад
Дар самти шарқии шаҳри Душанбе зеристгоҳи нави барқии 220 кВ сохта мешавад
Дар Душанбе ҳамоиши картошкапарварон ва намоиш-фурӯши картошка баргузор мегардад
Густариши ҳамкории иқтисодию тиҷоратии Тоҷикистону Олмон баррасӣ гардид
Дар Тоҷикистон ҳамоиши картошкапарварон баргузор мешавад
Байни соҳибкорони вилояти Суғд ва Қазоқистон санадҳои нави ҳамкорӣ ба имзо расиданд
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Дар Остона дурнамои рушди ҳамкории Тоҷикистону Қазоқистон дар соҳаҳои электроэнергетика ва нафту газ баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
