Мутахассисони соҳаи синамои тоҷик дар Донишкадаи давлатии умумирусиягӣ ба таҳсил фаро гирифта мешаванд
ДУШАНБЕ, 20.04.2024 /АМИТ «Ховар»/. Аз Ҷумҳурии Тоҷикистон 25 нафар довталаб имкон дорад, ки дар оянда аз рӯйи ихтисосҳои коргардонӣ, наворбардорӣ, рассомӣ, пардозгарӣ, филмноманависӣ, мутахассиси оташбоз ва дигар касбҳои зарурии соҳаи синамо дар коргоҳи ҳунарпешагии Тоҷикистон, ки дар Донишкадаи давлатии умумирусиягии кинематография ба номи С.А. Герасимов таъсис дода шудааст, таҳсил намоянд. Ин матлаб 19 июн зимни вохӯрии директори Муассисаи давлатии «Тоҷикфилм» Маҳмадсаид Шоҳиён бо роҳбари намояндагии Маркази фарҳангию ҳамкории Русия дар Тоҷикистон Андрей Патрушев доир шуд, баён гардид. Дар ин ин хусус ба АМИТ «Ховар» дар Муассисаи давлатии «Тоҷикфилм» хабар доданд.
Гуфта шуд, ки бо ташаббуси Президенти Ҷумҳурии Тоҷикистон муҳтарам Эмомалӣ Раҳмон дар Донишкадаи давлатии умумирусиягии кинематография коргоҳи ҳунарпешагӣ аз ҷониби Тоҷикистон таъсис дода шуд ва довталабон дар он ҷо ба таҳсил фаро гирифта мешаванд.
Соли равон ба 15 нафар довталаб аз Тоҷикистон имкон дода мешавад, ки дар асоси бурсияҳои Агентии федералии Русия оид ба Иттиҳоди Давлатҳои Мустақил дар коргоҳи ҳунарпешагии Донишкадаи давлатии умумирусиягии кинематография дар давраи таҳсили солҳои 2024-2025 маҳорати ҳунарпешагиро аз худ намоянд.
Дар вохӯрӣ масъалаи тарбия ва омода намудани кадрҳои баландихтисоси соҳа дар муассисаҳои таълимии ихтисосии театру синамои Русия, аз ҷумла таҳсили довталабон аз Тоҷикистон дар Донишкадаи давлатии умумироссиягии кинематография ба номи С.А. Герасимов, баргузории чорабиниҳои синамоӣ ва дигар масоили марбут ба соҳаи синамо мавриди баррасию таҳлил қарор дода шуданд.
АКС: Муассисаи давлатии «Тоҷикфилм»
Соли 2027 дар Тоҷикистон Форуми VI байналмилалии ҷавонони эҷодкор доир мегардад
Кулолгар Фозил Носиров: «Армуғонҳо бояд Тоҷикистонро дар арсаи байналмилалӣ муаррифӣ намоянд»
ШАБИ ЯЛДО. Имрӯз дар Тоҷикистон зимистони астрономӣ фаро мерасад
Дар Душанбе маҳфили адабии нависанда, драматург, тарҷумон ва публисист Мансур Суруш доир гардид
Дар «Тоҷикфилм» лоиҳаҳои синамоӣ рӯнамоӣ мегарданд
Баргузории рӯзҳои фарҳанг байни Тоҷикистон ва Эрон баррасӣ шуд
Қасри фарҳанги ноҳияи Шамсиддини Шоҳин ба номи Давлатманд Хол гузошта шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Айнӣ Маркази фарҳангию фароғатӣ сохта мешавад
ҲАР ОН КАС КИ ШОҲНОМАХОНӢ КУНАД. Андешаҳои профессор Нуралӣ Нурзод вобаста ба баргузории озмуни «Шоҳномахонӣ»
Дуғдоғи беозору зебо «Парандаи сол-2025» дар Тоҷикистон интихоб шуд
Дар Самарқанд спектаклҳои «Хунхори Торросӣ» ва «Агар ҷанг намебуд» намоиш дода мешаванд
Ҳамкории Тоҷикистон ва Миср дар самти таҳқиқ ва омӯзиши мероси таърихию фарҳангӣ густариш меёбад
