РАВАНДИ ОБИ ДУШАНБЕ. Конфронси сеюми байналмилалии сатҳи баланд оид ба об зимни нишасти матбуотӣ натиҷагирӣ гардид
ДУШАНБЕ, 12.06.2024 /АМИТ «Ховар»/. Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» имрӯз зимни нишасти матбуотӣ бо иштироки Сарвазири Ҷумҳурии Тоҷикистон Қоҳир Расулзода, муовини Дабири кулли Созмони Миллали Муттаҳид ва намояндагони давлатҳои иштирокчии Конфронси сатҳи баланд натиҷагирӣ карда шуд, хабар медиҳад хабарнигори АМИТ «Ховар».
Сарвазири Ҷумҳурии Тоҷикистон таъкид намуд, ки Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028», ки давоми се рӯз дар шаҳри Душанбе доир гардид, бори дигар таваҷҷуҳи ҷомеаи ҷаҳониро ба масъалаи об ҷалб намуд. Он дар татбиқи уҳдадориҳои Ҷумҳурии Тоҷикистон ҷиҳати амалисозии Даҳсолаи байналмилалии амал «Об барои рушди устувор, солҳои 2018-2028» қадами муассир мебошад ва барои баргузории Конфронси оби Созмони Миллали Муттаҳид-2026 замина фароҳам меорад.
Иброз гардид, ки Конфронси сатҳи баланд бо ташаббуси Ҷумҳурии Тоҷикистон дар ҳамкорӣ бо Созмони Миллали Муттаҳид ва дигар шарикони рушд гузаронида шуд. Тақвияти саъю талошҳои муштарак ва дастгирии иҷрои уҳдадориҳои ихтиёрии дар Рӯзномаи Конфронси оби Созмони Милали Муттаҳид сабтшуда, инчунин ҳавасмандгардонии шарикии нав ва суръат бахшидан ба амалҳо барои ноил шудан ба ҳадафҳои об дар Рӯзномаи рушди устувор то соли 2030 аз ҳадафҳои асосии конфронс мебошанд.
Таъкид гардид, ки натиҷаҳои Конфронси сеюми байналмилалии сатҳи баланди Душанбе муваффақиятҳои бадастомадаи Конференсияи оби Созмони Милали Муттаҳид-2023-ро таҳким бахшиданд ва ба қабули уҳдадориҳо ва иқдоми нав дар соҳаи захираҳои об мусоидат намуд.
Гуфта шуд, ки дар доираи Раванди оби Душанбе 9 Форум, аз ҷумла Форуми парламентарҳо, Форуми ҳифзи пиряхҳо, Форуми занон ва об, Форуми бахши хусусӣ, Форуми оби Африқо, Форуми наврасон ва ҷавонон, Форуми ташкилотҳои ҳавзавӣ, Форуми илм ва технология, Форуми Осиёи Марказӣ ва 5 муколамаи интерактивӣ, 15 чорабиниҳои канорӣ гузаронида шуд. Инчунин дар пойтахти Тоҷикистон Фестивали обу пиряхҳо, барномаи консертӣ, намоиши ҳунарҳои мардумӣ ва иқтидори саноативу кишоварзии Тоҷикистон пешниҳоди иштирокчиёни конфронс гардонида шуд.
Дар конфронс масъалаҳои муҳими марбут ба обу иқлим, ҳифзи муҳити зист ва дар маҷмуъ рушди устувор баррасӣ шуда, тафсияву пешниҳодҳои судманд ироа гардиданд.
Ҳамзамон дар нишасти матбуотӣ муовини Дабири кулли Созмони Миллали Муттаҳид Ли Ҷунҳуа доир ба натиҷаҳои муваффақонаи Конфронси сатҳи баланд ибрози назар намуда, онро дар самти тақвияти ҳамкорӣ дар масъалаи обу иқлим ва ҳифзи пиряхҳо ва татбиқи Ҳадафҳои рушди устувор, баргузории Конфронси оби Созмони Миллали Муттаҳид-2026 муассир унвон намуд.
Марзия САИДЗОДА,
Зарангези ЛАТИФ,
Тоҳири САИД (АКС),
АМИТ «Ховар»
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
