Дар шаҳри Истаравшан бинои таълимии ба номи Садриддин Айнӣ навсозӣ мегардад
ДУШАНБЕ, 16.07.2024 /АМИТ «Ховар»/. Дар шаҳри Истаравшан ҷиҳати муҳайё намудани шароити муосири таълиму тарбия навсозии бинои Муассисаи таҳсилоти миёнаи умумии №4 ба номи Садриддин Айнӣ оғоз гардид. Дар ин хусус АМИТ «Ховар» бо истинод ба маркази матбуоти Раиси шаҳри Истаравшан хабар медиҳад.
Биноҳои таълимии ин муассиса ҳанӯз солҳои 40-уми асри гузашта бунёд шуда, дар ҳолати фарсудаю садамавӣ қарор дошт. Бинобар ин, дар асоси муроҷиати собиқадорони шаҳр ва ҳайати омӯзгорону падару модарони хонандагони муассисаи таълимии мазкур, лоиҳаи бинои нави муассисаи таҳсилоти миёнаи умумии №4 таҳия гардид, ки он аз чор ошёна иборат буда, ғунҷоиши 1200 ҷойи нишаст дар як бастро дорад.
Сохтмони бинои нави муассисаи таълимии №4 бо тамоми шароиташ бо маблағгузории Мақомоти иҷроияи ҳокимияти давлатии вилояти Суғд амалӣ карда мешавад.
Мавриди тазаккур аст, ки аз ҳисоби масолеҳи сохтмонии биноҳои азбайнрафтаи ин муассиса дар деҳаҳои Ругунди деҳоти «Сабристон» ва Зартеппаи деҳоти «Ниҷонӣ» бо ҳашари дастаҷамъонаи сокинон биноҳои нави таълимӣ низ сохта мешаванд.
АКС: Маркази матбуоти раиси шаҳри Истаравшан
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Корҳои омодагӣ ба ҷашни 40-солагии Истиқлолияти давлатии Ҷумҳурии Тоҷикистон оғоз гардиданд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Олими ҷавони тоҷик соҳиби патентҳои Ҷумҳурии Беларус гардид
Дар ноҳияи Деваштич иншооти гуногуни иҷтимоӣ ба истифода дода шуданд
Туҳфаҳои Пешвои миллат ба тарбиятгирандагони Мактаб-интернати шаҳри Истаравшан супорида шуданд
Давраи чоруми бақайдгирии довталабон барои иштирок дар ИМД-2026 оғоз гардид
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Намояндагони Сафорати Тоҷикистон дар Донишгоҳи политехникии Москва бо донишҷӯёни тоҷик вохӯрӣ намуданд
