Дар Тоҷикистон дар 3 соли охир 104 муассисаи томактабӣ, 276 толори варзишӣ ва 879 майдончаи варзишӣ бунёд карда шудааст
ДУШАНБЕ, 26.07.2024. /АМИТ «Ховар»/. Давоми 3 соли охир, то 1 июни соли равон дар ҷумҳурӣ 104 муассисаи томактабӣ, 276 толори варзишӣ ва 897 майдончаи варзишӣ бунёд гардидааст. Дар ин хусус Раиси Кумитаи рушди маҳали назди Президенти Ҷумҳурии Тоҷикистон Шарифҷон Ҷумъазода имрӯз зимни нишасти матбуотии ин ниҳод ба хабарнигорон иттилоъ дод.
Шарифҷон Ҷумъазода иброз дошт, ки Кумитаи рушди маҳал тасмим гирифтааст, ки дар ҳамкорӣ бо мақомоти иҷроияи ҳокимияти давлатии шаҳру ноҳияҳои ҷумҳурӣ дар ҳар деҳа ва маҳаллаи аҳолинишин, ки аз 100 хоҷагӣ зиёд доранд, як муассисаи томактабӣ ва як майдони варзишӣ сохта ба истифода диҳад.
Дар ҷумҳурӣ бунёди 28 ҳазору 649 иншооти таъйиноти гуногуни иҷтимоӣ ба нақша гирифта шудааст, ки ба ҳолати 1 июли соли равон 14 ҳазору 571 иншоот бо таъсиси 31 ҳазору 971 ҷойи нави корӣ мавриди истифода қарор дода шудааст. Дар 7 ҳазору 946 иншоот корҳои сохтмонӣ идома дорад.
Ҳамчунин вобаста ба ободонӣ ва рушди маҳал дар ҷумҳурӣ иброз гардид, ки дар нимсолаи якуми соли 2024 3 миллиону 139 ҳазору 504 бех дарахтони сояафкан, ҳамешасабз ва ороишӣ, мевадиҳанда ва гулу буттаҳои мавсимӣ бо мақсади ободонӣ ва зебо гардонидани симои шаҳру навоҳии мамлакат шинонида шудааст.
Моҳинави НАВРӮЗ,
АМИТ «Ховар»
АКС: АМИТ «Ховар»
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
ТАРЗИ ҲАЁТИ СОЛИМ. Камҳаракатӣ барои пайдоиши бемориҳои гуногун замина фароҳам меорад
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Шахсони дорои масунияти заиф бештар ба зуком гирифтор мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
СОЛИ ОБОДОНИЮ БУНЁДКОРӢ. 100 хоҷагии деҳаи Зарнисор-1-и ноҳияи Рӯдакӣ бо оби тозаи ошомиданӣ таъмин гардид
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
Шаҳри Душанбе соҳиби Шоҳҷоизаи Озмуни ҷумҳуриявии «Бонувони муваффақи шаҳру ноҳияҳои Тоҷикистон» гардид
