Муовини якуми Сарвазири мамлакат Ҳоким Холиқзода дар чорабинии канории Тоҷикистон дар қароргоҳи СММ иштирок намуд
ДУШАНБЕ, 13.07.2024 /АМИТ «Ховар»/. 12 июл муовини якуми Сарвазири Ҷумҳурии Тоҷикистон Ҳоким Холиқзода дар чорабинии канории Тоҷикистон, ки дар ҳошияи Форуми сиёсии сатҳи баланд оид ба рушди устувор (HLPF-2024) дар мавзуи «Аз Душанбе то Форуми сиёсии сатҳи баланд (HLPF): истифодаи шарикӣ барои баланд бардоштани самаранокии масъалаҳои об» дар қароргоҳи Созмони Милали Муттаҳид баргузор гардид, иштирок ва суханронӣ намуд. Дар ин хусус ба АМИТ «Ховар» дар Намояндагии доимии Ҷумҳурии Тоҷикистон дар Созмони Милали Муттаҳид хабар доданд.
Ҳадафи асосии чорабинии мазкур ин муаррифии натиҷаҳои Конфронси сеюми сатҳи баланд оид ба Даҳсолаи байналмилалии «Об барои рушди устувор, 2018-2028», ки дар доираи «Раванди оби Душанбе» аз 10 то 13 июни соли 2024 дар Тоҷикистон баргузор гардид, буд.
Ҳоким Холиқзода зимни суханронӣ бо қаноатмандӣ таъкид намуд, ки ташаббусҳои глобалии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, аз ҷумла «Раванди оби Душанбе» дар давоми ду даҳсола давлатҳои аъзои Созмони Милали Муттаҳид ва ниҳодҳои он, сохторҳои байналмилаливу минтақавӣ ва молиявӣ, ҷомеаи шаҳрвандӣ ва дигар ҷонибҳои манфиатдорро ҷиҳати муҳокимаи мушкилоти глобалии об ва дарёфти роҳҳои ҳаллу фасли он муттаҳид месозанд.
Муовини якуми Сарвазири мамлакат инчунин изҳори итминон намуд, ки натиҷаҳои Конфронси сеюми сатҳи баланд оид ба Даҳсолаи байналмилалии «Об барои рушди устувор, 2018-2028» ба Форуми сиёсии сатҳи баланд оид ба рушди устувор (HLPF-2024), инчунин раванди омодагӣ ба Конфронси оби СММ-2026 ва Конфронси оби СММ-2028 дар Душанбе саҳми назаррас хоҳад гузошт.
Чорабинии канорӣ майдони муҳимро ҷиҳати муҳокима ва пешбурди ҳалли масъалаҳои марбут ба об тавассути шарикии глобалӣ фароҳам овард.
Иштироккунандагони чорабинӣ зимни суханронӣ аз нақши боризи Тоҷикистон дар пешбарии масъалаҳои об гуфта, омодагии худро барои дастгирии мамлакат ва ташаббусҳои марбут ба оби он баён намуданд.
Нишасти мазкур аз ҷониби Намояндагии доимии Тоҷикистон дар СММ дар ҳамкорӣ бо Дафтари СММ оид ба масоили иҷтимоӣ ва иқтисодӣ (UNDESA), СММ-Занон (UN WOMEN), Намояндагии Хазинаи кӯдакони СММ (UNICEF), Раёсати СММ оид ба коҳиши хатари офатҳои табиӣ (UNDRR) ва Дафтари СММ оид ба ҳамкории Ҷануб-Ҷануб (UNOSSC) ташкил карда шуд.
АКС: Намояндагии доимии Ҷумҳурии Тоҷикистон дар Созмони Милали Муттаҳид
Вазоратҳои корҳои хориҷии Тоҷикистону Алҷазоир ҳамкориро дар самти бозомӯзии дипломатҳо тақвият мебахшанд
Ҳайати Тоҷикистон дар Конфронси байналмилалии шаҳрҳои дӯстии Чин – 2026 иштирок намуд
Дар Берлин ҳамкории тиҷоратию иқтисодии Тоҷикистон ва Олмон баррасӣ карда шуд
Дурнамои рушди ҳамкории Тоҷикистону сохторҳои Созмони Милали Муттаҳид баррасӣ гардид
Масъалаи иштироки ҳайати Тоҷикистон дар Конфронс оид ба тағйирёбии иқлим дар Анталия баррасӣ гардид
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Сафири Тоҷикистон бо роҳбари иҷроияи ширкати олмонии «Knauf» Мурат Акилдиз мулоқот намуд
Сафири Тоҷикистон бо Вазири саноати Алҷазоир мулоқот намуд
Фаррух Шарифзода бо Дабири кулли қолаби «Осиёи Марказӣ – Чин» Сун Вэйдун мулоқот намуд
Ҳамкории Тоҷикистон ва Кувайт дар соҳаи фарҳанг баррасӣ гардид
Дар Пекин масъалаҳои муҳими ҳамкории Тоҷикистон ва Чин баррасӣ гардид
Cафири Тоҷикистон бо Вазири нафти Кувайт вохӯрӣ намуд
