Шаҳри Магдебурги Олмон мизбони Мусобиқаи варзишӣ оид ба аспдавонӣ барои дарёфти ҷоми Ҷумҳурии Тоҷикистон гардид
ДУШАНБЕ, 16.07.2024 /АМИТ «Ховар»/. 13 июл дар шаҳри Магдебурги Олмон Мусобиқаи варзишӣ оид ба аспдавонӣ барои дарёфти ҷоми Ҷумҳурии Тоҷикистон баргузор гардид. Дар ин хусус ба АМИТ «Ховар» дар Сафорати Ҷумҳурии Тоҷикистон дар Олмон хабар доданд.
Дар он Раиси Парлумони музофоти федеролии Саксония-Анҳалт Гуннар Шелленбергер, сафирони як қатор мамлакатҳои хориҷӣ ва намояндагони воситаҳои ахбори омма иштирок намуданд.
Сафорати Ҷумҳурии Тоҷикистон дар Олмон дар ҳамкорӣ бо «German Global Trade Forum Berlin», шабакаи тиҷоратии Дӯстони Шабакаи соҳибкорони «H4 Racing Club» ва ширкати «Wettstar» ҳамчун сарпарасти пойга дар масофаи 1300 метр ба ғолибон мукофоти пулӣ ва туҳфаҳои хотиравӣ супорид.
Чорабинии мазкур зиёда аз 3000 тамошобинро ҷамъ намуд, ки дар қатори онҳо намояндагони доираҳои иқтисодӣ-тиҷоратӣ, сиёсӣ, фарҳангӣ ва соҳибкорони замини федеролии Саксония-Анҳалт низ иштирок доштанд.
Мусобиқа таҳти шиори «Хуш омадед ба боми ҷаҳон. Тоҷикистонро бубинед, таҷриба кунед ва лаззат баред» баргузор шуда, ба ҳозирин имкон дод, ки дар бораи Тоҷикистон, бахусус иқтидор ва имконоти сайёҳии он бештар маълумот пайдо кунанд.
Сафири Ҷумҳурии Тоҷикистон дар Олмон Имомудин Сатторов аз ҳозирин даъват намуд, ки ба Тоҷикистон оянд ва бо таъриху фарҳанги куҳани тоҷикон шинос шуда, ҳамкории иқтисодӣ-тиҷоратиро ба роҳ монанд.
Дипломати тоҷик илова намуд, ки мусобиқаи мазкур дар иду ҷашнвораҳои Тоҷикистон баргузор гардида, мақоми варзишии миллиро дорад.
Инчунин таъкид гардид, ки солҳои охир пойгаи аспдавонӣ бештар маъруфият пайдо карда, шаҳри Душанбе бо шарофати талошҳои мақомоти иҷроияи ҳокимияти давлатии пойтахт ба маркази рушдёфтаи ин намуди варзиш табдил ёфтааст ва сазовори таваҷҷуҳи хоси ҳаводорон гаштааст.
Зимни чорабинӣ ҳамчунин суҳбати Сафири Тоҷикистон бо Раиси Ландтаги (Парлумони музофоти федеролӣ) Саксония-Анҳалт Гуннар Шелленбергер баргузор гардид.
АКС: Сафорати Ҷумҳурии Тоҷикистон дар Олмон
Таҳкими ҳамкории Тоҷикистон ва Арабистони Саудӣ дар самти ҳифзи ҳуқуқи инсон баррасӣ шуд
Сафири Тоҷикистон бо Вазири нафти Давлати Кувайт мулоқот намуд
Тоҷикистон барои рушди устувор ва иқтисоди «сабз» бо Комиссияи иқтисодии СММ ҳамкорӣ менамояд
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
Сергей Лебедев аз нав Дабири кулли Иттиҳоди Давлатҳои Мустақил таъйин гардид
