Шурои Фонди иқлими сабз аккредитатсияи Маркази татбиқи лоиҳаҳои сармоягузории Кумитаи ҳифзи муҳити зистро тасдиқ намуд
ДУШАНБЕ, 18.07.2024 /АМИТ «Ховар»/. Дар доираи ҷаласаи 39-и Шурои идоракунандагони Фонди иқлими сабз, ки дар шаҳри Инчхони Ҷумҳурии Корея 15–18 июл баргузор гардид, 18 июл Созишнома дар бораи аккредитатсия байни Фонди иқлими сабз ва Маркази татбиқи лоиҳаҳои сармоягузории Кумитаи ҳифзи муҳити зисти назди Ҳукумати Ҷумҳурии Тоҷикистон бо иштироки раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода, Сафири Фавқулода ва Мухтори Ҷумҳурии Тоҷикистон дар Ҷумҳурии Корея Салоҳиддин Киром ва Директори иҷроияи Фонди иқлими сабз хонум Мафалда Дуарте ба имзо расид. Дар ин хусус ба АМИТ «Ховар» дар Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд.
Дар доираи ҷаласа ташкилотҳои бонуфузи байналмилалӣ — Бонки исломии рушд, Бонки рушди Нигерия, Фонди маблағгузории Мердиам ва Комиссияи Уқёнуси Ҳинд аккредитатсияи Фонди мазкурро дар баробари Маркази татбиқи лоиҳаҳои сармоягузории Кумитаи ҳифзи муҳити зист дастрас карданд.
Аккредитатсия ба Марказ имконияти дастрасӣ ба маблағҳои грантии фонди мазкур ҷиҳати татбиқи лоиҳаҳои афзалиятноки миллӣ дар самти коҳиш додани газҳои гулхонаӣ ва мутобиқшавӣ ба тағйирёбии иқлимро пешкаш менамояд. Гирифтани аккредитатсия аз Фонди иқлими сабз муҳим мебошад, зеро тибқи қоидаҳои фонди мазкур танҳо муассисаҳои аккредитатсияшуда ҳуқуқ ва дастрасӣ ба маблағҳои грантии аз ҷониби ҷумҳурӣ барои мубориза бо пайомадҳои тағйирёбии иқлимро доранд. Аз ин лиҳоз, Ҷумҳурии Тоҷикистон имкони дастрасии мустақим ба чунин маблағҳоро пайдо кард. Маркази татбиқи лоиҳаҳои сармоягузории Кумита аввалин ташкилоти миллӣ аз давлатҳои Осиёи Марказӣ мебошад, ки аккредитатсия аз Фонди иқлими сабз барои дастрасии мустақим ба маблағгузории ин фондро гирифтааст.
Фонди мазкур унсури муҳим барои татбиқи Созишномаи Париж оид ба коҳиш додани ихроҷи газҳои гулхонаӣ ва бузургтарин фонди иқлимӣ дар ҷаҳон аст, ки барои дастгирии мамлакатҳои дар ҳоли рушд дар амалӣ намудани Саҳми дар сатҳи миллӣ муайяншуда (NDC), инчунин татбиқи ҳадафҳои дар самти мутобиқшавӣ ба тағйирёбии иқлим мебошад.
Айни замон ҳаҷми умумии лоиҳаҳои тасдиқгардида аз ҷониби Фонди иқлими сабз барои татбиқи лоиҳаҳои аз ҷониби давлатҳои дар ҳоли рушд пешниҳодгардида 11,4 миллиард доллари амрикоиро ташкил медиҳад. Фонди иқлими сабз соли 2010 тибқи қарори Конфронси тарафҳои Конвенсияи Созмони Милали Муттаҳид оид ба тағйирёбии иқлим (UNFCCC) бо мақсади дастгирии кӯшишҳои давлатҳои дар ҳоли рушд барои вокуниш ба таҳдидҳои тағйирёбии иқлим таъсис дода шудааст.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
