ЯРМАРКАИ ФУРӮШИ ЛИБОСИ МАКТАБӢ. Корхонаҳои маҳаллии шаҳри Хоруғ либосҳои мактабиро пешниҳоди мизоҷон мегардонанд
ДУШАНБЕ, 31.07.2024 /АМИТ «Ховар»/. Пагоҳ, 1 август дар Маркази савдои «Нигини Хоруғ» ва Бозори 20-солагии Истиқлолияти шаҳри Хоруғи Вилояти Мухтори Кӯҳистони Бадахшон ярмаркаи фурӯши либоси мактабӣ барои соли хониши 2024-2025 доир мегардад. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Хоруғ хабар доданд.
Либоси мактабӣ истеҳсоли корхонаҳои саноатии «Баҳори ишқ» ва «Сандал» буда, бо сифати баланд ва маҳсулоти хушсифат омода карда шудааст.
Тавре қаблан АМИТ «Ховар» бо истинод ба маркази матбуоти Вазорати маориф ва илми Ҷумҳурии Тоҷикистон иттилоъ дод, 1 август дар Тоҷикистон қабули хонандагони синфи як барои соли таҳсили 2024-2025 оғоз мегардад.
Тибқи Низомномаи намунавии Вазорати маориф ва илми мамлакат, дар муассисаи таҳсилоти миёнаи умумӣ барои ба синфи якум қабул намудани хонандагон ҳуҷҷатҳои зерин: варақаи шахсии хонанда, ду дона расми се ба чор, аризаи волидайн оид ба қабул, шаҳодатномаи таваллуди кӯдак, ҳуҷҷати тиббӣ, дунусхагӣ шиносномаи волидайн, шаҳодатномаи ақди никоҳ ва маълумотнома аз ҷой зист талаб карда мешавад.
Бояд гуфт, ки имсол кӯдаконе, ки то 31 декабри соли 2017 таваллуд шудаанд, ба синфи як мераванд. Агар кӯдак 1 январи соли 2018 таваллуд шуда бошад, ба синфи як қабул карда намешавад.
АКС: Мақомоти иҷроияи ҳокимияти давлатии шаҳри Хоруғ
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
