Аз ҳисоби андозҳо ва пардохтҳои ҳатмӣ ба буҷети давлатӣ зиёда аз 9 миллиард сомонӣ ворид гардид
ДУШАНБЕ, 09.08.2024 /АМИТ «Ховар»/. Дар шашмоҳаи якуми имсол аз ҳисоби андозҳо ва пардохтҳои ҳатмии дохилӣ ба буҷети давлатии Тоҷикистон 9 миллиарду 836 миллиону 600 ҳазор сомонӣ ворид шуд, ки 106,7 фоизи иҷрои нақшаи тасдиқшударо ташкил дода, нисбат ба нишондиҳандаҳои пешбинишуда 619 миллиону 800 ҳазор сомонӣ зиёд мебошад. Дар ин хусус 8 июл Раиси Кумитаи андози назди Ҳукумати Ҷумҳурии Тоҷикистон Нусратулло Давлатзода дар нишасти матбуотӣ иттилоъ дод.
Бо назардошти ворид намудани тағйирот ба қисми даромади буҷети давлатӣ ба маблағи 73 миллиону 500 ҳазор сомонӣ вобаста ба барзиёд иҷро шудани он дар ин давра нақшаи аниқшуда ба андозаи 105,9 фоиз таъмин гардида, ба буҷет нисбат ба нақшаи муқарраршуда 546 миллиону 300 ҳазор сомонӣ зиёд ворид шуд.
Дар ин давра иҷрои нақшаи аниқшудаи воридоти андозҳо ва пардохтҳо дар ҳамаи минтақаҳои ҷумҳурӣ таъмин шуд. Аз ҷумла, дар Вилояти Мухтори Кӯҳистони Бадахшон ба андозаи 104,8 фоиз, вилояти Хатлон –100,8 фоиз, вилояти Суғд – 103,6 фоиз, шаҳри Душанбе – 110,9 фоиз ва шаҳру ноҳияҳои тобеи ҷумҳурӣ дар маҷмуъ ба 106,7 фоиз расид.
Нусратулло Давлатзода афзуд, ки иҷрои сифатии қисми даромади буҷети давлатӣ нисбат ба солҳои қаблӣ беҳтар гардида, дар ин давра нақшаи ҳамаи намуди он пурра таъмин гардид.
Бақияи қарзи андозҳо ба ҳолати 1 июли соли 2024 дар маҷмуъ 1 миллиарду 198 миллион сомониро ташкил дод, ки нисбат ба аввали сол 392 миллиону 500 ҳазор сомонӣ зиёд мебошад.
Яке аз сабабҳои дар ин давра афзоиш ёфтани маблағи бақияи қарзи андозҳо асосан ҳисоб шудани фоизҳо барои риоя нагардидани муҳлати пардохти андозҳо, дар натиҷаи корҳои назоратӣ барилова ошкор шудани маблағҳои нисбатан калони андозҳо ва аз ҷониби субъектҳои хоҷагидор надоштани имконияти якбора пардохт намудани ин маблағҳо, инчунин сол аз сол зиёд гардидани қарзи андозҳои корхонаҳои давлатӣ, хоҷагиҳои кишоварзии тухмипарварӣ ва дигар корхонаҳо мебошад.
Бо мақсади тибқи тартиби муқарраршуда рӯёнидани маблағи бақияи қарзи андозҳо ва пешгирии зиёдшавии он дар ин давра аз ҷониби мақомоти андоз нисбат ба андозсупорандагони қарздор 8,9 ҳазор қарор оид ба маҷбуран ситонидани андозҳо ба маблағи 740 миллион сомонӣ қабул гардида, аз ин ҳисоб ва аз ҳисоби қарорҳои соли 2023 қабулшуда дар маҷмуъ ба буҷет 720 миллион сомонӣ ворид гардид.
Раъно НУСРАТУЛЛО,
АМИТ «Ховар»
АКС: АМИТ «Ховар»
Душанбе моҳи август мизбони «Food industry Forum of Tajikistan-2026» мегардад
Намояндагони Тоҷикистон дар Форуми умумиҷаҳонии шаҳрҳо дар Боку иштирок намуданд
Ҳаҷми умумии ҳамлу нақл байни Тоҷикистон ва Қазоқистон 5,8 фоиз афзудааст
ТАВАҶҶУҲ! Интиқоли одии маблағ байни аъзои оила, дӯстон, наздикон ва дигар шаҳрвандон тавассути ҳамёнҳои электронӣ андозбандӣ намегардад!
Дар ҶДММ «Саноати Ашт» хатҳои нави истеҳсолӣ васлу насб гардиданд
СОЛИ БАЙНАЛМИЛАЛИИ ЗАНОНИ ХОҶАГИДОР. Дар Тоҷикистон беш аз 52 ҳазор хоҷагии деҳқониро занон роҳбарӣ менамоянд
Кишоварзони ноҳияи Кӯшониён дар беш аз 10 ҳазор гектар пунбадона кишт намудаанд
Мулоқоти роҳбарони Комиссияи байниҳукуматӣ оид ба ҳамкории иқтисодӣ байни Тоҷикистон ва Русия баргузор шуд
Тоҷикистон ва Миср дар соҳаи авиатсияи гражданӣ Ёддошти тафоҳуми ҳамкорӣ ба имзо расониданд
Иштирокдорони Конфронси Созмони озуқаворӣ ва кишоварзӣ бо низоми кишоварзии нодири дараи Алмосӣ — гӯсфанди зоти ҳисорӣ ва ангури тоифӣ шинос шуданд
Дар Душанбе Намоишгоҳи байналмилалии молҳо ва хизматрасонӣ барои саломатӣ ва зебоӣ доир мешавад
Ҳамкории Тоҷикистон ва Беларус дар самти сохтмон ва меъморӣ густариш меёбад
