Дар деҳаи Шули ноҳияи Рашт хати оби тозаи нӯшокӣ кашида мешавад
РАШТ, 03.08.2024 /АМИТ «Ховар»/. Ҷавонони деҳаи Шули ноҳияи Рашт ба ифтихори ҷашни 35-солагии Истиқлоли давлатӣ ва ободии деҳаю таъмини оби тозаи нӯшокӣ ба ҳар сокини деҳа ба сохтмони хати оби нӯшокӣ, ки 35 километрро дар бар мегирад, оғоз намуданд. Дар ин хусус ба мухбири минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Рашт иттилоъ доданд.
Ҳаҷми корҳои сохтмонӣ тариқи ҳашарҳои дастҷамъонаи сокинон дар 20 километр иҷро гардидааст. Ҳамчунин барои корҳои ҳамворкунӣ ва кандани хати оби нӯшокӣ ҷавонони ватандӯсти деҳаи Шул техникаи замонавӣ хариданд, ки барои сари вақт ба анҷом расонидани корҳои сохтмонӣ мусоидат менамояд. Бояд гуфт, ки дар ин кори хайр соҳибкорон ва шахсони саховатпеша низ кумак мерасонанд.
Ёдовар мешавем, ки дар ноҳияи Рашт бахшида ба ҷашни бузурги 35-солагии Истиқлолияти давлатии Ҷумҳурии Тоҷикистон бо дастгирии соҳибкорону сокинони ноҳия бунёд ва ба истифода додани 307 иншооти мухталиф ба нақша гирифта шудааст.
То имрӯз 258 иншооти таъйиноти гуногун мавриди баҳрабардорӣ қарор дода шуд, ки 84 фоизи нақшаро дар бар мегирад. Дар иншооти боқимонда корҳои сохтмониву навсозӣ идома дошта, дар муҳлатҳои муқарраргардида ба истифода дода мешаванд.
АКС: Мақомоти иҷроияи ҳокимияти давлатии ноҳияи Рашт
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Сафири Тоҷикистон бо донишҷӯён ва омӯзгорони Донишгоҳи давлатии Ош мулоқот намуд
Дар Коллеҷи омори шаҳри Ваҳдат оид ба рушд ва такмили низоми омори миллӣ дар замони соҳибистиқлолӣ конференсияи ҷумҳуриявӣ доир шуд
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар ноҳияи Бобоҷон Ғафуров бунгоҳи тиббӣ, муассисаи таълимӣ ва маркази ташхисӣ ба истифода дода шуданд
Дар ноҳияи Спитамен иншооти таъйиноти гуногун мавриди истифода қарор дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Дар вилояти Суғд лоиҳаҳои бузург дар соҳаи роҳу нақлиёт амалӣ гардиданд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
