Дар деҳаи Зугванди ноҳияи Ишкошим сел омад
ДУШАНБЕ, 06.08.2024 /АМИТ «Ховар»/. 4 август, соати 17:30 дар деҳаи Зугванди Ҷамоати деҳоти Зонги ноҳияи Ишкошим дар натиҷаи баланд шудани ҳарорати ҳаво сел омада, ба хонаҳои истиқоматии сокинон зарар расонд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон иттилоъ медиҳад.
Гуфта шуд, ки бо супориши Президенти Ҷумҳурии Тоҷикистон муҳтарам Эмомалӣ Раҳмон бо мақсади фавран бартараф намудани оқибатҳои офати табиӣ комиссияи вилоятӣ таҳти роҳбарии Раиси Вилояти Мухтори Кӯҳистони Бадахшон таъсис ёфта, барои бартарафсозии пайомадҳои ин ҳодисаи нохуш техникаву механизмҳои зарурӣ ҷалб шуданд. Аҳолии аз офати табиӣ зарардида ва зери хавф қарордоштаи деҳа тибқи супориши Сарвари давлат ба ҷойи бехавф кӯчонида шуд.
Бар асари ин офати табиӣ хонаҳои истиқоматии деҳа зарар дида, ҳолати фавт сабт нашудааст. Дар маҷмуъ дар деҳаи Зуванг 111 хоҷагӣ бо шумули 968 нафар истиқомат намуда, масоҳати замини кишт 33 гектарро ташкил медиҳад. Аз 14 гектар замини наздиҳавлигии сокинон 8 гектар замини зери кишти картошка қарордошта пурра хароб гардид. Инчунин дар натиҷаи ин ҳодисаи табиӣ зиёда аз 4 километр роҳи дорои аҳамияти байналмилалӣ корношоям гардид.
Ёдовар мешавем, ки Зонг аз ҷамоатҳои дурдасти ноҳияи Ишкошим буда, дорои 5 деҳа, 6 ҳазор аҳолӣ ва 600 хоҷагӣ мебошад. Ин мавзеъ аз сатҳи баҳр дар баландии зиёда аз 2 ҳазору 800 метр қарор дорад.
АКС: Вилояти Мухтори Кӯҳистони Бадахшон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
