НИШАСТИ МАТБУОТӢ. Ҳаҷми истеҳсоли мол, кор ва хизматрасонӣ дар шаҳри Турсунзода ба 2 миллиарду 428,6 миллион сомонӣ расидааст
ТУРСУНЗОДА, 03.08.2024 /АМИТ «Ховар»/. Дар шаш моҳи соли 2024 ҳаҷми истеҳсоли мол, кор ва хизматрасонӣ дар шаҳри Турсунзода ба 2 миллиарду 428,6 миллион сомонӣ расидааст, ки нисбат ба ҳамин давраи соли 2023 492,5 миллион сомонӣ зиёд мебошад. Дар ин давра ҳаҷми истеҳсоли маҳсулот дар соҳаи саноат 59,8 фоиз, кишоварзӣ 4,3 фоиз, сохтмон 2,4 фоиз, хизматрасонии пулакӣ 9,8 фоиз ва соҳаи савдо 22,3 фоиз зиёд гардидааст. Ин матлабро зимни нишасти матбуотӣ Раиси шаҳри Турсунзода Парвиз Акрамзода баён намуд.
Дар айни замон дар шаҳри Турсунзода 94 корхонаи саноатию истеҳсолӣ фаъолият дорад, ки нисбат ба ҳамин давраи соли 2023 10 корхона зиёд мебошад. Аз шумораи умумии корхонаҳо 9 адади он мавсимӣ буда, имрӯзҳо ба фаъолият оғоз намудаанд. Ҳаҷми истеҳсоли маҳсулоти саноатӣ дар шаш моҳи имсол 830,7 миллион сомониро ташкил дод, ки нисбат ба ҳамин давраи соли 2023 310,8 миллион сомонӣ зиёд мебошад.
Бахшида ба ҷашни 35-солагии Истиқлоли давлатӣ дар шаҳри Турсунзода дар ҳамкорӣ бо соҳибкорон бунёди 439 иншоот ба нақша гирифта шудааст, ки аз ин 22 иншооти саноатӣ, 98 иншооти соҳаи маориф, 31 иншооти соҳаи тандурустӣ, 28 иншооти варзишӣ, 7 иншооти хизматрасонии маоишӣ, 55 иншооти маркази хизматрасонӣ ва савдо, таъмири роҳҳои автомобилгард дар 42 мавзеъ, 19 сардхонаю гармхона, таъмини оби нӯшокӣ дар 7 мавзеъ ва 118 иншооти таъйиноти гуногун мебошанд. То имрӯз 205 иншоот, аз ҷумла 30 иншоот дар соҳаи маориф, 18 иншоот дар соҳаи тандурустӣ, 12 иншооти варзишӣ, 41 маркази савдо ва хизматрасонӣ, 10 корхонаю коргоҳи истеҳсолӣ, таъмири роҳ дар 33 мавзеъ, 5 сохтмони пул, 6 сардхона, 2 гармхона, кашидани хати оби нӯшокӣ дар 4 мавзеъ ва 44 иншооти гуногун ба маблағи 193 миллиону 119,6 ҳазор сомонӣ ба анҷом расонида шудааст. Дар 149 иншооти боқимонда сохтмон бомаром идома дорад.
Дар нишасти матбуотӣ иброз гардид, ки бо мақсади баланд бардоштани маърифати ҳуқуқии занон, омода намудани ҷавондухтарон ба ҳаёти оиладорӣ, нигоҳ доштани оилаҳои ҷавон аз парокандашавӣ ва мусоидат ба шуғли онҳо дар назди шуъбаи кор бо занон ва оилаи Мақомоти иҷроияи ҳокимияти давлатии шаҳр аз ҳисоби фаъолон, занони рӯзгордидаву собиқадор комиссияи доимӣ фаъолият менамояд. То имрӯз аз 49 оилаи бо баҳси оилавӣ ба он муроҷиатнамуда 24 оила аз парокандашавӣ эмин нигоҳ дошта шуд.
Субҳониддини МАҲМУД,
АМИТ «Ховар»
АКС: АМИТ «Ховар»
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
