33-СОЛАГИИ ИСТИҚЛОЛИ ДАВЛАТӢ. Дар Кумитаи рушди сайёҳӣ ҳамоиши идона баргузор гардид
ДУШАНБЕ, 05.09.2024. /АМИТ «Ховар»/. Дастовардҳои соҳаи сайёҳӣ дар даврони Истиқлолияти давлатӣ, нақши Президенти Ҷумҳурии Тоҷикистон дар рушди соҳаи сайёҳии мамлакат, дастгириву таваҷҷуҳ ва ғамхориҳои рӯзафзуни давлату Ҳукумати ҷумҳурӣ зимни ҳамоиши идонае, ки бахшида ба 33-солагии Истиқлолияти давлатӣ дар Кумитаи рушди сайёҳии назди Ҳукумати Ҷумҳурии Тоҷикистон баргузор гардид, баён шуданд. Дар ин хусус ба АМИТ «Ховар» дар ин кумита хабар доданд.
Раиси Кумитаи рушди сайёҳӣ Камолиддин Муминзод иброз дошт, ки дар партави сиёсати созанда ва бунёдкоронаи Президенти Тоҷикистон муҳтарам Эмомалӣ Раҳмон соҳаи сайёҳӣ дар мамлакат тадриҷан рушд ёфта, ба натиҷаҳои назаррас ноил гардид. Пешвои миллат сайёҳиро самти афзалиятноки иқтисодиёти миллӣ арзёбӣ намуда, барои пешрафти он ҳамаҷониба мусоидат менамоянд.
Самараи неки истиқлол аст, ки имрӯз Тоҷикистон дар дунё чун давлати сулҳхоҳу сулҳпарвар шинохта шудааст. Таҷрибаи сулҳи тоҷикон манбаи омӯзиши сулҳхоҳони ҷаҳон гардидааст, ки мояи ифтихори ҳар шаҳрванди тоҷик аст.
Дар ҳамоиш аз суханрониҳои Президенти Тоҷикистон Эмомалӣ Раҳмон вобаста ба Истиқлолияти давлатӣ ёдовар шуда, ин нуктаи муҳим иқтибос оварда шуд: «Яке аз муҳимтарин дастоварди мо дар даврони истиқлолият давлатсозӣ ва давлатдории муосири миллӣ мебошад, ки моҳиятан шакли ҳуқуқбунёд, иҷтимоӣ ва дунявӣ дорад».
Мушовири калони бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита ба ҷомеа Нурулло Оқилзода аз номи Ҳукумати Ҷумҳурии Тоҷикистон иштирокчиёни ҳамоишро бо ҷашни Истиқлоли давлатӣ табрик намуд. Ба як гурӯҳ кормандон мукофоти давлатӣ, Ифтихорнома, Сипоснома ва туҳфаҳои Кумитаи рушди сайёҳӣ бахшида ба 33-солагии Истиқлолияти давлатӣ супорида шуд.
АКС: Кумитаи рушди сайёҳии назди Ҳукумати Ҷумҳурии Тоҷикистон
РУШДИ САЙЁҲӢ ДАР БАДАХШОН. Сабзазорҳои алпӣ, биёбонҳои баландкӯҳ, дарёҳои тезҷараён ва кӯлҳои мусаффои он назаррабо мебошанд
Ҳайати Тоҷикистон дар ҷаласаи 71-уми ҷаласаи Комиссияи Аврупоии Созмони умумиҷаҳонии сайёҳӣ иштирок намуд
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
Сарвари давлат Эмомалӣ Раҳмон бо корҳои сохтмонӣ дар Варзишгоҳи миллии Тоҷикистон дар шаҳри Душанбе шинос шуданд
Пешвои миллат Эмомалӣ Раҳмон дар ноҳияи Синои шаҳри Душанбе бо корҳои сохтмонӣ дар Чойхонаи миллӣ шинос шуданд
Мавзеи сайёҳии «Арху» ба макони писандидаи сайёҳон табдил ёфтааст
Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
Эла Ионеску, намоянда аз Руминия: «Шумо, одамони хушбахтед, ки чунин Ватани зебо доред»
СИЁМА. Оби ин дарё ба даҳгонаи обҳои беҳтарини ҷаҳон дохил гардидааст
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
Иштирокдорони Конфронси байналмилалии сатҳи баланд оид ба ҳифзи пиряхҳо мавзеъҳои таърихию фарҳангии Тоҷикистонро тамошо мекунанд
Барои сохтмони кампуси Донишкадаи байналмилалии Данғара лоиҳаи Бонки Исломии рушд амалӣ карда мешавад
