Аъзои хоҷагии деҳқонии «Мирраҳмат» имсол аз кишти пахта ҳосили хуб ба даст меоранд

ДУШАНБЕ, 02.09.2024. /АМИТ «Ховар»/. Хоҷагии деҳқонии «Мирраҳмат»-и деҳоти Гулхонаи ноҳияи Ҷаббор Расулов  дорои 3,24 гектар буда, дар 0,90 гектар пахта, дар 0,90 гектар булғорӣ, дар 0,50 гектар пиёз, дар 0,40 гектар бехӣ, дар 0,54 гектар беда ва дигар зироати кишоварзӣ кишт карда шудааст. Имсол нашъу намои пахта дар ҳолати хуб буда, хоҷагидорон итминон  доранд, ки ҳосили хуб ба даст меоранд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Ҷаббор Расулов хабар медиҳад.

Раиси вилоят зимни суҳбат бо деҳқонон таъкид кард, ки замин бояд самаранок истифода бурда шавад. Зеро дар шароити кӯҳсор танҳо бо истифодаи оқилонаи замин метавон амнияти озуқавориро таъмин намуд.

Аҳли заҳмати хоҷагии деҳқонии «Мирраҳмат» аз соли 2016 фаъолият дошта, то имрӯз дар соҳаи кишоварзии мамлакат саҳм мегузоранд.

АКС: Мақомоти иҷроияи ҳокимияти давлатии ноҳияи Ҷаббор Расулов