Ба хонандагони Муассисаи таълимии рақами 8-и шаҳри Хоруғ суханронии Президенти Тоҷикистон дар Рӯзи дониш шарҳ дода шуд
ХОРУҒ, 03.09.2024 /АМИТ «Ховар»/. Ба хонандагону омӯзгорони Муассисаи таҳсилоти миёнаи умумии рақами 8-и шаҳри Хоруғ нуктаҳои асосии суханронии Президенти Тоҷикистон муҳтарам Эмомалӣ Раҳмон бахшида ба Рӯзи дониш ва Дарси сулҳ фаҳмонида шуд, хабар медиҳад мухбири минтақавии АМИТ «Ховар» Файз Мирасан.
Президенти Тоҷикистон муҳтарам Эмомалӣ Раҳмон зимни суханронӣ сулҳу амонӣ ва амнияти мамлакатро барои рушди босуботи иқтисоду иҷтимоиёти мамлакат муҳим арзёбӣ намуда, изҳор доштанд, ки «танҳо дар сурати барқарор будани сулҳу суботи комил ва оромиву амният ҳамаи соҳаҳои ҳаёти ҷомеа ва давлат, аз ҷумла раванди таълиму тарбия ба таври муътадил идома пайдо мекунад. Фақат дар шароити сулҳу оромӣ, суботи сиёсӣ ва ваҳдати миллӣ амалӣ сохтани нақшаву барномаҳои созандаи давлату ҷомеа имконпазир мебошад».
Муовини директори Муассисаи таҳсилоти миёнаи умумии рақами 8 Арамбегим Маҳтобшоҳзода гуфт, ки «ин ҳама пешрафту дигаргуниҳои азим дар соҳаҳои мухталифи хоҷагии халқ, аз ҷумла илму маориф маҳз дар натиҷаи талошу заҳматҳои пайвастаи Пешвои миллат дар роҳи расидан ба сулҳи комил ба даст омадаанд. Оғоз гардидани соли нави таҳсил бо Рӯзи дониш ва Дарси сулҳ рамзи нек барои мардуми Тоҷикистон аст. Зеро мо, калонсолон даҳшату фоҷиаҳои ҷанги таҳмилиро, ки Президенти ҷумҳурӣ дар суханронии худ аз он ёд карданд, бо чашми сар дидем ва ҳеҷ гоҳ фаромӯш намекунем. Дар он солҳо ман омӯзор будам ва медидам, ки кӯдакону наврасон бо шиками гурусна ва либосу пойафзоли дарида ба таълимгоҳ меомаданд. Қаламу дафтар ва китоб намерасид. Баъзе омӯзгорон тарки касб карда, барои саришта кардани рӯзгори оила ба тиҷорат машғул шуданд ва муассисаҳои таълимӣ бо норасоии кадрҳо рӯ ба рӯ шуданд. Аммо бо шарофти роҳбарии хирадмандонаи Президенти мамлакат ин ҳама рӯзҳои пурфоҷиа пушти сар шуданд. Аз ин рӯ мо ҳамеша ба шогирдон таъкид мекунем, ки ба қадри заҳматҳои Президенти Тоҷикистон, ба қадри сулҳу оромии ҷумҳурии азиз бирасед ва онро мисли гавҳараки чашм ҳифз кунед».
Ёдовар мешавем, ки тибқи лоиҳа Муассисаи таълимии миёнаи умумии рақами 8 аз се бино иборат буда, барои 640 хонанда дар ду баст пешбинӣ шудааст. Бинои якуми ин муассисаи таълимӣ 21 августи соли 2020 ва бинои дуюм 7 августи соли 2023 бо иштироки Президенти Ҷумҳурии Тоҷикистон муҳтарам Эмомалӣ Раҳмон ифтитоҳ гардид.
Бинои сеюм дар арафаи ҷашни 35-солагии Истиқлоли давлатии Ҷумҳурии Тоҷикистон мавриди истифода қарор мегирад.
АКС: АМИТ «Ховар»
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
Дар Донишгоҳи давлатии Хоруғ ду маркази муосири таълимӣ ба истифода дода шуд
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
