Дар Кумита оид ба таҳсилоти ибтидоӣ ва миёнаи касбӣ як зумра кормандон барои фаъолияти пурсамар қадрдонӣ шуданд
ДУШАНБЕ, 07.09.2024 /АМИТ «Ховар»/. Дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон 33-солагии Истиқлоли давлатии Ҷумҳурии Тоҷикистон таҷлил гардид, хабар доданд ба АМИТ «Ховар» дар ин кумита.
Раиси Кумита оид ба таҳсилоти ибтидоӣ ва миёнаи касбӣ Фарҳод Раҳимӣ иброз дошт, ки Истиқлоли давлатӣ неъмати бузурге аст, ки дар интиҳои асри 20 насиби миллати мо гардид. Имрӯзҳо мардуми ҷумҳурӣ, хурду бузург, мақомоти давлатӣ, идораву муассисаҳо, корхонаву коргоҳҳо ва хулоса тамоми ҷомеаи тоҷикистонӣ ин ҷашни муқаддасро таҷлил менамоянд, аз гузашти 33 сол ёдовар мешаванд ва онро таҳлилу хулосабарорӣ менамоянд.
Истиқлоли давлатӣ беҳтарин неъмат ва гаронтарин арзиш барои ҳар давлату миллат буда, омили аслии рушду тараққӣ ва заминасози ҳузур дар арсаи ҷаҳонӣ барои инкишоф ва ҳифзи манфиатҳои миллию давлатӣ ба шумор меравад. Соҳибистиқлолӣ барои сарнавишти миллати тоҷик оғози марҳалаи сифатан нави рушд гардида, иҷрои вазифаи бисёр пурмасъулияти таърихӣ, яъне бунёди давлате ҷавобгӯ ба манфиатҳои халқу мамлакат ва эҷоди аркони давлатдории муосирро фароҳам овард.
Бо шарофат ва ҷаҳду талошҳои шабонарӯзии Президенти мамлакат муҳтарам Эмомалӣ Раҳмон дар муддати кӯтоҳи таърихӣ сулҳу оромӣ дар саросари мамлакат таъмин гардида, барои зиндагии орому осоишта ва фаъолияти созандаи сокинони мамлакат шароити мусоид фароҳам омад.
Пешвои миллат муҳтарам Эмомалӣ Раҳмон барои мо кафили сулҳ, меъмори ваҳдат, пушту паноҳи тоҷикони дунё ва муаррифи фарҳангу анъана ва асолати миллӣ аст, ки бо ӯ ҳамчун шахсияти таърихӣ ҳамеша ифтихор менамоем.
Дар ҳамоиш кормандони кумита дар мавзуъҳои гуногун баромад намуда, таъкид доштанд, ки ҳар сокини мамлакат, сарфи назар аз мансубияти милливу динӣ ва ақидаҳои сиёсӣ бояд дарк намояд, ки ҳам рушди ҷомеа ва ҳам умеду орзуи ӯ фақат дар сурати пойдории сулҳу субот ва Истиқлоли давлатӣ амалӣ мегардад.
Дар фарҷом як зумра кормандони дастгоҳи марказии кумита ва директорони коллеҷ ва литсейҳои касбии техникӣ барои саҳми арзанда дар рушди соҳаи таҳсилоти ибтидоӣ ва миёнаи касбӣ бо Ифтихорнома сарфароз гардиданд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
