ГИРОМИДОШТИ ЗАБОНУ ФАРҲАНГ ДАР ОСОРИ МАВЛОНО. Дар Академияи миллии илмҳои Тоҷикистон конференсия баргузор гардид
ДУШАНБЕ, 27.09.2024 /АМИТ «Ховар»/. Имрӯз дар Академияи миллии илмҳои Тоҷикистон бахшида ба Рӯзи Мавлоно таҳти унвони «Гиромидошти забону фарҳанг дар осори Мавлоно» конференсияи илмӣ – назариявӣ баргузор шуд, хабар медиҳад АМИТ «Ховар» бо истинод ба ин академия.
Президенти Академияи миллии илмҳои Тоҷикистон Қобилҷон Хушвахтзода таъкид дошт, ки воқеан ҳам Мавлоно Ҷалолиддини Балхӣ ҳамчун мутафаккири бузург ва орифи нобиғаи миллати тоҷик дар рушди забону адаби тоҷик саҳми мондагор дорад. Мавлоно бо осори пурмуҳтавою пурмазмуни худ- «Маснавии маънавӣ», «Девони Шамс» ё «Девони Кабир» ва чандин асарҳои дигараш дар дунё шинохта шудааст.
Осори Мавлоно Ҷалолиддини Балхӣ бо чандин забонҳои дунё тарҷума ва нашр шуда, дастраси ҳаводорони илму адаб гаштааст ва ин аз мазмуни волои осори ин нобиғаи адаб дарак медиҳад.
Ба хотири ин абармарди бузург бо ташаббуси Президенти Тоҷикистон соли 2007 аз ҷониби ЮНЕСКО Соли бузургдошти Мавлоно Ҷалолиддини Балхӣ эълон гардид. Дар шаҳри Душанбе бахшида ба 800 – солагии Мавлоно конфронси байналмилалӣ бо шукуҳу шаҳомати хосса баргузор шуд, ки ин бори дигар миллати қадимаву донишманд ва дорои шахсиятҳои илмиву адабӣ будани тоҷиконро исбот намуд.
Дар идомаи конфронс олимону файласуфон сухан намуда, Мавлоно Ҷалолиддини Балхиро чун «офтоби оламтоби илму адаб» васф намуданд.
АКС: Академияи миллии илмҳои Тоҷикистон
Дар пойтахти Тоҷикистон Рӯзи фарҳанги ноҳияи Ванҷ доир шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
ТАМАДДУНИ ТОҶИКОН. Аз ёдгории таърихии «Сайёд» муҳри шоҳии марбут ба аҳди Кӯшониён дарёфт гардид
Таҳти унвони «Эмомалӣ Раҳмон: абармарди сиёсат, ҳақиқатнигори таърих, ҳувиятофари миллат» конференсияи байналмилалӣ доир шуд
Дар Душанбе рӯзҳои фарҳанги вилояти Суғд, ноҳияҳои Ванҷ, Шуғнон ва Рӯшон баргузор мегарданд
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
Дар Душанбе Рӯзи фарҳанги ноҳияи Варзоб баргузор шуд
Дар Душанбе Рӯзи фарҳанги ноҳияи Муъминобод шукуҳманд баргузор гардид
Имрӯз дар боғҳои пойтахт рӯзҳои фарҳанги шаҳри Роғун, ноҳияҳои Варзоб ва Муъминобод баргузор мегарданд
