Хонандагони деҳаи Оби борик ва деҳаи Сори Панҷакент соли хонишро дар синфхонаҳои нав оғоз намуданд
ДУШАНБЕ, 01.09.2024 /АМИТ «Ховар»/. Дар назди муассисаҳои таҳсилоти миёнаи умумии рақами 89-и деҳаи Оби борики шаҳри Панҷакент бинои иловагӣ бо 4 синфхона барои 200 хонанда дар ду баст ва рақами 28-и деҳаи Сори Ҷамоати деҳоти Моғиён бинои иловагӣ бо 6 синфхонаи иловагӣ барои 288 хонанда дар ду баст ба истифода дода шуданд, ки имрӯз хонандагон дар ин синфхонаҳо соли нави таҳсилро оғоз намуданд.
Тавре АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад, биноҳои иловагӣ ҳамчун филиали ин мактабҳо истифода шуда, дар он асосан хонандагони синфҳои ибтидоӣ таҳсил мекунанд. Ба хонандагони таълимгоҳҳо компютерҳои замонавӣ, мизу курсӣ ва аёнияти таҳсил тақдим шуданд.
Биноҳои иловагӣ бо ташаббуси Мақомоти иҷроияи ҳокимияти давлатии шаҳри Панҷакент бо саҳми падару модарон, соҳибкорон ва шахсони саховатпеша бунёд гардиданд.
Ёдовар мешавем, ки Сарвари давлат 1 сентябри соли 2023 дар Рӯзи дониш ва ифтитоҳи Донишгоҳи давлатии тиббии Хатлон дар ноҳияи Данғара ба Ҳукумати мамлакат ва Вазорати маориф ва илми ҷумҳурӣ дастур доданд, ки бо назардошти афзоиши аҳолӣ, аз ҷумла кӯдакону наврасон ва бунёди деҳаву маҳаллаҳои нави аҳолинишин дар ҳамкорӣ бо дигар вазорату идораҳо ва мақомоти иҷроияи ҳокимияти давлатии вилоятҳо, шаҳру ноҳияҳо ва бо ҷалби сармояи дохиливу хориҷӣ барои вусъат додани сохтмони муассисаҳои таълимӣ ва фароҳам овардани шароити мусоид дар онҳо мунтазам чораҷӯӣ намоянд.
Имсол сохтмони 360 бинои муассисаи таҳсилоти умумӣ ва бинои иловагӣ дар назди муассисаҳои таҳсилоти умумӣ барои 73 ҳазору 962 ҷойи нишаст ба нақша гирифта шуда, то охири сол қисми зиёди ин иншоот ба истифода дода мешаванд.
Имрӯз Президенти ҷумҳурӣ муҳтарам Эмомалӣ Раҳмон дар Дарси сулҳ ба муносибати Рӯзи дониш дар Муассисаи таҳсилоти миёнаи умумии №19-и ноҳияи Синои шаҳри Душанбе зимни суханронӣ иброз намуданд, ки «агар имсол 103 ҳазор нафар синфи 11-ро хатм карда бошанд, 250 ҳазор ба синфи якум қабул шудаанд. Дар замони соҳибистиқлолӣ мо дар баробари бунёди муассисаҳои нави таълимӣ беш аз 1000 мактаби мавҷударо навсозӣ кардем, мактабҳои боқимондаро таъмиру тармим карда, дар онҳо тамоми шароити зарурии замонавиро муҳайё сохтем ва ҳоло ин равандро идома дода истодаем».
АКС: Мақомоти иҷроияи маҳаллии ҳокимияти давлатии шаҳри Панҷакент
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
