«ИЛМ-ФУРӮҒИ МАЪРИФАТ». Аз шаҳри Душанбе 132 нафар ба даври ҷумҳуриявӣ роҳхат гирифт

Сентябрь 30, 2024 14:55

ДУШАНБЕ, 30.09.2024. /АМИТ «Ховар»/. Даври шаҳрии Озмуни ҷумҳуриявии «Илм-фурӯғи маърифат» ҷамъбаст гардида, дар он 132 нафар ба даври ҷумҳуриявӣ роҳхат гирифтанд. Аз ин шумора 84 нафар хонандаи муассисаҳои таҳсилоти миёнаи умумӣ, 42 нафар донишҷӯи муассисаҳои таҳсилоти миёна ва олии касбӣ, 6 нафар омӯзгорон ва намояндагони касбу кори гуногун мебошанд. Дар ин хусус ба АМИТ «Ховар» дар Сарраёсати маорифи шаҳри Душанбе хабар доданд.

Дар маросими мазкур 66 нафар ғолибони ҷойи сеюми даври шаҳрии Озмуни ҷумҳуриявии «Илм — фурӯғи маърифат» аз рӯйи ҳафт номинатсия бо “Диплом”, ҷоиза ва мукофотпулӣ дар ҳаҷми 10 ҳазор сомонӣ, 44 нафар ғолиби ҷойи дуюм бо “Диплом”, ҷоиза ва мукофотпулӣ дар ҳаҷми 15 ҳазор сомонӣ ва 22 нафар ғолиби ҷойи якум бо “Диплом”, ҷоиза ва мукофотпулӣ дар ҳаҷми 20 ҳазор сомонӣ қадрдонӣ карда шуданд.

Ҳамзамон барои саҳмгузорӣ дар ташкилу баргузории даври шаҳрии озмун ба 38 нафар ҳайати ҳакамон туҳфаҳои Мақомоти иҷроияи ҳокимияти давлатии шаҳри Душанбе супорида шуд.

Таъкид гардид, ки дар пойтахт бо роҳбарӣ ва дастгириҳои Раиси шаҳри Душанбе муҳтарам Рустами Эмомалӣ мунтазам барои босифат амалӣ гардидани сиёсати маорифпарваронаи Ҳукумати Ҷумҳурии Тоҷикистон давра ба давра тадбирҳои муҳим андешида шуда, доир ба ҳадафҳои «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» ва дар сатҳи баланд баргузор намудани озмуну чорабиниҳои гуногун тадбирҳои зарурӣ татбиқ мешаванд.

Бо мақсади иҷрои амри Президенти Ҷумҳурии Тоҷикистон аз 1 январи соли 2024 барои дар сатҳи баланди ташкилӣ баргузор намудани Озмуни ҷумҳуриявии «Илм — фурӯғи маърифат» қарори Раиси шаҳри Душанбе «Дар бораи баргузор намудани озмуни ҷумҳуриявии «Илм — фурӯғи маърифат» дар шаҳри Душанбе» аз 18 марти соли 2024 ба тасвиб расид.

Иттилоъ дода шуд, ки дар даври дуюми озмун, ки нимаи дуюми моҳи майи соли равон дар ноҳияҳои пойтахт ҷамъбаст гардид, 8124 нафар иштирок намуда, 492 нафар ба даври шаҳрии озмун роҳхат гирифт.

АКС: Сарраёсати маорифи шаҳри Душанбе

 

Сентябрь 30, 2024 14:55

Хабарҳои дигари ин бахш

Дар Тоҷикистон то соли 2027 фарогирии кӯдакон ба таҳсили томактабӣ ба 33 фоиз расонида мешавад
Дар Бӯстон ғолибони Озмуни ҷумҳуриявии «Фурӯғи субҳи доноӣ китоб аст» қадрдонӣ гардиданд
Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
Шарҳи Амри Президенти Ҷумҳурии Тоҷикистон