ҲИСОББАРОБАРКУНИИ ҒАЙРИНАҚДӢ. «Амонатбонк» дар шаҳри Кӯлоб Рӯзи саводнокии молиявӣ гузаронид

Сентябрь 8, 2024 18:00

ДУШАНБЕ, 08.09.2024 /АМИТ «Ховар»/. Дар филиали №56-и Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» дар минтақаи Кӯлоби вилояти Хатлон  Рӯзи саводнокии молиявӣ баргузор гардида, маҳсулоти бонкии «Амонатбонк» ба маъраз гузошта шуд, иттилоъ медиҳад АМИТ «Ховар» бо истинод ба ин бонк.

Ин чорабинии тарғибгари маърифати молиявӣ  дар доираи татбиқи «Стратегияи миллии фарогирии молиявии Ҷумҳурии Тоҷикистон барои солҳои 2022-2026», Фармони Президенти Ҷумҳурии Тоҷикистон аз 22 июни соли 2023 «Дар бораи тадбирҳои вусъат додани ҳисоббаробаркуниҳои ғайринақдӣ» ва Рӯзи саводнокии молиявӣ баргузор гардида, зимни он маҳсулоти бонкии «Амонатбонк» ба намоиш гузошта шуд.

Дар намоиш масъулини  «Амонатбонк» ба мизоҷон оид ба хизматрасонии бонкӣ, алалхусус маҳсулоти қарзӣ, намуди пасандозҳо, кортҳои пардохтӣ, «Интернет-банкинг», пардохти муносиби  хизматрасониҳо тавассути барномаи мобилии «Амонат-мобайл» ва ғайра маълумот доданд.

Мутахассисони «Амонатбонк» оид ба тарзу услуби истифодаи «Барномаи мобилии  «Амонат-мобайл» ва «Меъёри фоизи қарзҳо» сухан гуфта, ба иштирокдорон низоми пардохти ғайринақдӣ, барномаи мобилии Амонат-мобайл, ҳамёнҳои электронӣ, кортҳои пардохтӣ, «Интернет-банкинг», маҳсулоти қарзӣ бо фоизҳои дастрас ва талабот барои гирифтани қарзро фаҳмониданд.

 АКС: «Амонатбонк»

Сентябрь 8, 2024 18:00

Хабарҳои дигари ин бахш

Дар Душанбе ҳамкории молиявии байналмилалӣ баррасӣ шуд
ҚУРБИ АСЪОР: 1 доллари ИМА аз 9.1500 то 9.2128 сомонӣ муқаррар гардидааст
Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
ҚУРБИ АСЪОР: 1 доллари ИМА аз 9.1400 то 9.2124 сомонӣ муқаррар гардидааст
Дар доираи ҷаласаи 45-уми пленарии ГАО ҳамоиш баргузор гардид
ҚУРБИ АСЪОР: 1 евро аз 9.9500 то 10.1259 сомонӣ муқаррар гардидааст
Дар Душанбе ҷаласаи 45-уми пленарии ГАО оғоз шуд
ҚУРБИ АСЪОР: 1 доллари ИМА аз 9.1400 то 9.2119 сомонӣ муқаррар гардидааст
Дар КВД «Саноатсодиротбонк» бахшида ба Рӯзи Президенти Ҷумҳурии Тоҷикистон ҳамоиши тантанавӣ баргузор гардид
ҚУРБИ АСЪОР: 1 рубли русӣ аз 0.1000 то 0.1119 сомонӣ муқаррар гардидааст
ҚУРБИ АСЪОР: 1 евро аз 9.9500 то 10.2212 сомонӣ муқаррар гардидааст