ҲИСОББАРОБАРКУНИИ ҒАЙРИНАҚДӢ. Дар минтақаи Бохтар Рӯзи саводнокии молиявӣ доир шуд
ДУШАНБЕ, 17.09.2024 /АМИТ «Ховар»/. Дар бинои филиали №42-и Корхонаи воҳиди давлатии /КВД/ Бонки амонатгузории Ҷумҳурии Тоҷикистон «Амонатбонк» дар минтақаи Бохтари вилояти Хатлон Рӯзи саводнокии молиявӣ доир гардида, маҳсулоти бонкии «Амонатбонк» ба намоиш гузошта шуд, иттилоъ медиҳад АМИТ «Ховар» бо истинод ба «Амонатбонк».
Рӯзи саводнокии молиявӣ дар доираи «Стратегияи миллии фарогирии молиявии Ҷумҳурии Тоҷикистон барои солҳои 2022-2026» ва Фармони Президенти Ҷумҳурии Тоҷикистон аз 22 июни соли 2023 «Дар бораи тадбирҳои вусъат додани ҳисоббаробаркуниҳои ғайринақдӣ» гузаронида шуд.
Дар доираи барнома намоишгоҳи маҳсулоти бонкӣ ташкил шуда, дар он масъулини «Амонатбонк» ба мизоҷон оид ба хизматрасонии бонкӣ, алалхусус маҳсулоти қарзӣ, намуди пасандозҳо, кортҳои пардохтӣ, «Интернет-банкинг», пардохти мувофиқи хизматрасониҳо тавассути барномаи мобилии «Амонат-мобайл» маълумот доданд.
Инчунин мутахассисони идораи танзим ва назорати марказҳои хизматрасонии бонкӣ ва департаменти қарздиҳии «Амонатбонк» бо рӯнамо оид ба тарзу услуби истифодаи «Барномаи мобилии «Амонат-мобайл» ва «Меъёри фоизи қарзҳо» сухан гуфта, ба иштирокдорон оид ба низоми пардохти ғайринақдӣ, «Барномаи мобилии «Амонат-мобайл», ҳамёнҳои электронӣ, маҳсулоти қарзӣ бо фоизҳои дастрас, талабот барои гирифтани қарз ва ғайра маълумот пешниҳод намуданд.
Ҳамзамон байни иштирокдорони чорабинӣ саволу ҷавоб доир шуда, ба хотири ҳававсмандгардонии онҳо аз ҷониби масъулини «Амонатбонк» туҳфаю армуғонҳо тақдим шуданд.
Рӯзи саводнокии молиявӣ ба баланд бардоштани маърифати аҳолӣ мусоидат менамояд.
АКС: «Амонатбонк»
ҚУРБИ АСЪОР: 1 доллари ИМА аз 9.2756 то 9.3200 сомонӣ муқаррар шудааст
Дар Хоруғ маркази хизматрасонии Бонки байналмилалии Тоҷикистон ифтитоҳ гардид
Масъалаи тақвияти ҳамкории «Амонатбонк» бо Хазинаи байналмилалии асъор дар Душанбе баррасӣ шуд
ҚУРБИ АСЪОР: 1 евро аз 10.6649 то 10.7500 сомонӣ муқаррар шудааст
Озмуни эссеи беҳтарин дар мавзуи «Пули миллӣ – рамзи давлатдорӣ» ҷамъбаст гардид
Дар Душанбе омодагӣ ба даври сеюми баҳодиҳии мутақобилаи низоми миллии МҚД/МТ/МПСҚО баррасӣ гардид
ҚУРБИ АСЪОР: 1 доллари ИМА аз 9.2731 то 9.3200 сомонӣ муқаррар шудааст
ҚУРБИ АСЪОР: 1 рубли русӣ аз 0.1147 то 0.1135 сомонӣ муқаррар шудааст
Пулҳои коғазии ҷашнӣ бо арзиши номиналии 100 сомонӣ ба муомилот бароварда шуд
ҚУРБИ АСЪОР: 1 евро аз 10.6691 то 10.8000 сомонӣ муқаррар шудааст
Дар Душанбе дар мавзуи «Пули сомонӣ-рукни давлатдории миллӣ» конфронси илмӣ-назариявӣ баргузор шуд
ПУЛИ МИЛЛӢ – РАМЗИ ДАВЛАТДОРӢ. Имрӯз аз ба муомилот баровардани пули миллӣ — сомонӣ 25 сол сипарӣ шуд
