«Истиқлол тантанаи ваҳдат, ҳамдилӣ, озодӣ, худогоҳӣ ва худшиносӣ аст». Таҳти ин унвон дар Донишгоҳи давлатии молия ва иқтисод ҳамоиш доир шуд
ДУШАНБЕ, 08.09.2024 /АМИТ «Ховар»/. 6 сентябр дар Донишгоҳи давлатии молия ва иқтисоди Тоҷикистон ҳамоиши фарҳангиву сиёсии ҳайати профессорону омӯзгорон ва донишҷӯёни муассиса зери унвони «Истиқлол тантанаи ваҳдат, ҳамдилӣ, озодӣ, худогоҳӣ ва худшиносӣ» доир гардид, хабар медиҳад АМИТ «Ховар» бо истинод ба ин муассиса.
Ректори таълимгоҳ Ҳакимбек Абдуалимзода дар бораи моҳияти Истиқлол изҳор дошт, ки Истиқлоли давлатии Ҷумҳурии Тоҷикистон рӯйдоди таърихие аст, ки дар ҳаёти миллати куҳанбунёди тоҷик гардиши кулливу сарнавиштсоз ба вуҷуд овард ва мардуми мо бо шарофати ин падидаи зиндагисоз тақдири имрӯзу ояндаи давлату миллатро ба дасти хеш гирифт.
«Мо, мардуми тоҷик худро аз он хушбахт меҳисобем, ки тавассути саъю кӯшиш ва талошҳои Пешвои миллат муҳтарам Эмомалӣ Раҳмон соҳиби давлати мустақилу ҳуқуқбунёд гардида, дар ҷаҳони муосир мавқеи шоиста пайдо намудем. Самараи неки истиқлолият аст, ки Тоҷикистон дар дунё чун давлати сулҳхоҳу сулҳпарвар ва ташаббускор шинохта шудааст»,- гуфт ректор.
Таъкид гардид, ки истиқлолу озодӣ рамзи соҳибдавлатӣ ва ватандӯстии халқи сарбаланди мо мебошад, ки 33 сол инҷониб номаи тақдирашро бо дасти худ менависад.
Иброз шуд, ки дар радифи ободкориву созандагиҳое, ки дар сатҳи ҷумҳурӣ ва вазорату идораҳо барои оянда пешбинӣ шудаанд, раёсати Донишгоҳи давлатии молия ва иқтисоди Тоҷикистон низ нақшаҳои зиёде дар самти баланд бардоштани сатҳу сифати таълим, тақвият додани корҳои илмию таҳқиқотӣ, пайвастани илму истеҳсолот, ривоҷу равнақи корҳои тарбиявӣ ва баланд бардоштани мақому манзалати донишгоҳ дар арсаи байналмилалӣ меандешад. Ҳамаи ин маҳз ба таъмини иқтисодиёти мамлакат бо кадрҳои соҳибкасб, муаррифии илми тоҷик дар ҷаҳон ва ободии мамлакат равона шудааст.
АКС: Донишгоҳи давлатии молия ва иқтисоди Тоҷикистон
35-СОЛАГИИ ИСТИҚЛОЛИ ДАВЛАТӢ. Дар деҳаи Калфи Сабади ноҳияи Ёвон майдони варзишии муосир сохта мешавад
Дар шаҳру ноҳияҳои вилояти Суғд беш аз 2 ҳазор километр роҳ таъмиру навсозӣ карда шуд
«Равобит бо олами Ғарб: нақши Пешвои миллат ва дипломатияи тоҷик». Таҳти чунин унвон китоби нав ба нашр расид
Пешвои миллат Эмомалӣ Раҳмон бинои нави Раёсати минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар гурӯҳи ноҳияҳои водии Ҳисорро ифтитоҳ намуданд
Сарвари давлат Эмомалӣ Раҳмон ҶДММ «Бозори Турсунзода»-ро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода ба фаъолияти корхонаи маҳсулоти алюминии ҶДММ «Алюминийи аввалин» оғоз бахшиданд
Пешвои миллат Эмомалӣ Раҳмон дар шаҳри Турсунзода 6 кӯдакистони хусусиро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Турсунзода бинои Муассисаи таҳсилоти томактабии хусусии «Ғунчаҳои Истиқлол»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода 8 муассисаи таҳсилоти миёнаи умумиро тариқи фосилавӣ ба истифода доданд
Пешвои миллат Эмомалӣ Раҳмон дар деҳаи Регари шаҳри Турсунзода Муассисаи таҳсилоти миёнаи умумии № 23-ро ба истифода доданд
Сарвари давлат Эмомалӣ Раҳмон дар шаҳри Турсунзода ба фаъолияти марҳилаи дуюми ҶДММ «Алюмин Проф» оғоз бахшиданд
Дар ноҳияи Ёвон якчанд иншооти иҷтимоӣ ва инфрасохторӣ мавриди истифода қарор гирифт
