Дар Душанбе ҳамоиши ҷавонону варзишгарон доир шуд
ДУШАНБЕ, 05.09.2024. /АМИТ «Ховар»/. Имрӯз дар Донишгоҳи байналмилалии сайёҳӣ ва соҳибкории Тоҷикистон бахшида ба ҷашни Истиқлоли давлатӣ таҳти унвони «Нақши ҷавонон дар таҳкими Истиқлоли давлатӣ» ҳамоиши ҷашнии ҷавонону варзишгарон баргузор гардид, иттилоъ медиҳад АМИТ «Ховар».
Дар ҳамоиш олимону адибон, кормандони соҳаи кор бо ҷавонон ва варзиш, варзишгарон, ҷоизадорони Ҷоизаи давлатии ба номи Исмоили Сомонӣ, гирандагони Стипендияи президентӣ ва ҷавонони касбу кори гуногун иштирок намуданд.
Раиси Кумитаи кор бо ҷавонон ва варзиш иброз дошт, ки дар остонаи ин ҷашни бузург имрӯзҳо дар тамоми шаҳру ноҳияҳои мамлакат аз ҷониби ниҳодҳои давлативу ҷамъиятӣ чорабиниҳои гуногуни сиёсию маърифатӣ, фарҳангию фароғатӣ ва оммавию варзишӣ баргузор мегарданд.
«Воқеан, барои миллати худшиносу худогоҳи тоҷик истиқлолу озодӣ бузургтарин неъмат, шаъну шараф, нангу номус, обрӯи байналмилалӣ ва шарти асосии мавҷудият ба ҳисоб рафта, расидан ба ин дастоварди бузург- Истиқлолияти давлатӣ танҳо бо хиради азалӣ ва сиёсати бунёдкоронаи муҳтарам Пешвои миллат ба даст омадааст», -гуфта шуд дар ҳамоиш.
Имрӯз ҷавонони хушиқболи замони соҳибистиқлолии мамлакат ба хубӣ дарк менамоянд, ки заҳмату талош ва иқдоми созандаи Пешвои миллат маҳз ба таъмини зиндагии шоистаи мардуми шарифи Тоҷикистон ва рушди босуботи мамлакат равона гардидаанд.
Аз ҷавонон даъват ба амал оварда шуд, ки ҷавобан ба ғамхориву дастгириҳои давлату Ҳукумати мамлакат дар марҳилаи имрӯзаи давлатдорию давлатсозӣ бо илму дониши қавӣ, ақлу заковати зеҳнӣ, истеъдоду малакаи фитрӣ, маърифати ҳуқуқию сиёсӣ, қобилияту ташаббусҳои наҷиб, иқдоми бунёдкорона, касбу ҳунари воло, дарки баланди масъулияти инсонӣ ва ватандӯстиву хештаншиносӣ барои таҳкими пояҳои давлатдории миллӣ ҳамчун пайравони асили Пешвои миллат саҳми арзишманд гузоранд.
Зарангези ЛАТИФ,
АМИТ «Ховар»
АКС: АМИТ «Ховар»
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
Сарвари давлат Эмомалӣ Раҳмон бо корҳои сохтмонӣ дар Варзишгоҳи миллии Тоҷикистон дар шаҳри Душанбе шинос шуданд
Пешвои миллат Эмомалӣ Раҳмон дар ноҳияи Синои шаҳри Душанбе бо корҳои сохтмонӣ дар Чойхонаи миллӣ шинос шуданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Фархор бинои нави маъмурии Ҷамоати деҳоти «Фархор» сохта мешавад
Роҳҳои маҳаллии шаҳри Панҷакент мумфарш карда мешаванд
35-СОЛАГИИ ИСТИҚЛОЛИ ДАВЛАТӢ. Дар Истаравшан 990 иншоот бунёд, таъмир ва навсозӣ карда мешаванд
Сарвари давлат Эмомалӣ Раҳмон дар ноҳияи Данғара дар Семинар-машварати ҷумҳуриявии кишоварзон ва мулоқот бо фаъолон иштирок намуданд
Дар шаҳри Истаравшан 4 муассисаи таълимӣ сохта мешавад
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи навбунёди ҶДММ «Оксус Интеразия»-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Данғара ба сохтмони марҳилаи дуюми корхонаи ҶДММ «Сипар Групп» санги асос гузоштанд
Пешвои миллат Эмомалӣ Раҳмон дар ноҳияи Данғара ба бунёди коргоҳи дару тиреза ва панелҳои алюминии ҶДММ «Куруши Кабир Индастри» санги асос гузоштанд
35-СОЛАГИИ ИСТИҚЛОЛИ ДАВЛАТӢ. Роҳи деҳаи Нурободи ноҳияи Шаҳринав мумфарш карда шуд
