«ЗИ ДОНИШ ШАВАД КОРИ ГЕТӢ БА СОЗ». Таҳти ин унвон дар Донишгоҳи технологии Тоҷикистон ҳамоиш доир гардид
ДУШАНБЕ, 02.09.2024. /АМИТ «Ховар»/. 1 сентябри имсол дар ҳошияи паёми табрикотии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшида ба Рӯзи Дониш ва Дарси сулҳ дар Донишгоҳи технологии Тоҷикистон таҳти унвони «Зи дониш шавад кори гетӣ ба соз» ҷамъомади тантанавӣ баргузор гардид, хабар медиҳад АМИТ «Ховар» бо истинод ба Донишгоҳи технологӣ.
Зимни он муовини Сарвазири Тоҷикистон Усмоналӣ Усмонзода табрикоти Президенти Тоҷикистон муҳтарам Эмомалӣ Раҳмонро ба самъи устодону донишҷӯён расонида, гуфт, ки «Пешвои миллат маҳз маориф ва илмро дар мақоми аввал гузошта, ба тамоми донишҷӯёну хонандагон муроҷиат намуданд, ки барои омӯхтани забонҳои хориҷӣ ва фанҳои дақиқ кӯшиши ҳамаҷониба ба харҷ диҳанд».
Ба андешаи Сарвари давлат, барои расидан ба ҳадафи беҳтар намудани сифати таҳсил, дар навбати аввал, баланд бардоштани сатҳи касбияти кадрҳои омӯзгорӣ, китобҳои дарсии мутобиқ ба талаботи меъёрӣ, инчунин таъминот бо имконияти таълимиву методӣ, аз ҷумла таҷҳизоти озмоишгоҳӣ, технологияҳои иттилоотиву коммуникатсионӣ ва мунтазам гузаштан аз даврҳои такмили ихтисос ва бозомӯзӣ зарур аст.
Ректори Донишгоҳи технологии Тоҷикистон Зоир Раҳмонзода иброз намуд, ки Донишгоҳи технологии Тоҷикистон пурра аз таъмири хушсифат бароварда шуда, бо тамоми таҷҳизоти муосир таъмин шудааст ва барои қабули донишҷӯён ҳамаҷониба омода мебошад.
Донишгоҳи технологии Тоҷикистон тибқи дастуру супоришҳои Президенти Тоҷикистон муҳтарам Эмомалӣ Раҳмон фаъолият намуда, барои бозори меҳнат мутахассисони касбӣ ва рақобатпазир омода менамояд. Он инчунин дар пешрафт ва шукуфоии Тоҷикистон саҳми босазо мегузорад.
АКС: Донишгоҳи технологии Тоҷикистон
54 донишҷӯи Донишгоҳи давлатии Кӯлоб ба даври муассисавии Озмуни ҷумҳуриявии «Фурӯғи субҳи доноӣ китоб аст» роҳхат гирифт
Маркази барномаҳои байналмилалӣ қабули ҳуҷҷатҳоро ба муассисаҳои таҳсилоти олии Озарбойҷон оғоз намуд
Дар Донишгоҳи давлатии омӯзгории Тоҷикистон бахшида ба Рӯзи Артиши миллӣ ҳамоиши фарҳангӣ баргузор гардид
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
