Дар ноҳияи Данғара аз ҷониби соҳибкорон наздики 70 километр роҳ мумфарш ва 60 километр сангфарш карда шудааст
ДУШАНБЕ, 27.10.2024 /АМИТ «Ховар»/. Дар доираи нақша чорабиниҳои ҷашни 35-солагии Истиқлоли давлатии Ҷумҳурии Тоҷикистон дар ноҳияи Данғара бунёду навсозии роҳҳо идома дошта, дар ин муддат аз ҷониби соҳибкорон бе ҷалби маблағҳои буҷетӣ аллакай наздики 70 километр роҳ мумфарш ва 60 километр сангфарш карда шудааст. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Данғара иттилоъ медиҳад.
Аз ҷумла, моҳи сентябри соли равон роҳи мошингарди Ҳусеншайх – Хуррамзамини ноҳияи Данғара ба истифода дода шуд. Бояд ёдовар шуд, ки вазъи роҳ аз деҳаи Ҳусеншайхи деҳоти Корез то деҳаи Хуррамзамини деҳоти Исмат Шариф нигаронкунанда буд ва ҳамарӯза ронандагону мусофирон аз 8 деҳаи ноҳияи Данғара аз ин роҳ бо мушкилоти зиёд истифода менамуданд. Баъди мавриди истифода қарор гирифтани ин роҳ сокинони 8 деҳа ё тақрибан 20 ҳазор аҳолӣ барои рафтуомад имконияти бемонеа пайдо намуданд.
Дарозии умумии роҳ 18,5 километр ва паҳноияш 6,2 метрро ташкил намуда, аз хизматрасонии он сокинони деҳаҳои Ҳусеншайх, Лоларух, Булёни боло, Навобод, Зулол ва Хуррамзамини ноҳияи Данғара истифода мекунанд. Ин роҳ барои сокинони чанде аз деҳаҳои ноҳияи Темурмалик ҳам, ки бо он пайвастанд сабукӣ меорад. Ҳамчунин дар роҳ 3 пули нав бунёд гардида, 15 қубури оҳану бетонӣ насб карда шудааст. Дар ҷойҳои аҳолинишин ҷӯйборҳои обгузар гузошта шуда, роҳҳои пиёдагард сохта шудааст.
Ёдовар мешавем, ки роҳи мазкур 19 сентябри соли равон бо иштироки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ба истифода дода шуд.
Ҳамчунин дар доираи сафари кории Пешвои миллат роҳи деҳаи Сафобахш бо дарозии наздики 4 километр ба истифода дода шуд. Ин тадбири муҳим аз ҷониби соҳибкорон ва сокинони маҳаллӣ анҷом дода шуда, равшаннамоии роҳ низ таъмин карда шудааст.
Хотиррасон мешавем, ки дар доираи татбиқи нақша-чорабиниҳои ҷашни 30 — солагии Истиқлоли давлатӣ дар ноҳияи Данғара аз ҷониби соҳибкорони ноҳия 6 пули мошингузар бунёд карда шуда, 143 километр роҳ асфалтпӯш ва зиёда аз 310 километр сангфарш карда шудааст.
Рухсораи НУР,
АМИТ «Ховар»
АКС: Хадамоти матбуоти Президенти Ҷумҳурии Тоҷикистон
Шурои ҳамоҳангсозии рақамӣ дар соҳаи алоқа таъсис ёфт
Дар вилояти Хатлон қисми бештари кӯдакон аз омодагӣ ба мактаб берун мемонанд
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар Бадахшон беш аз сад корхона ва коргоҳи хурди саноатӣ фаъолият менамояд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
«ТАБЛИҒГАРОНИ ИСТИҚЛОЛ». Гурӯҳи тарғиботӣ-ташвиқотӣ фаъолияти занони ҳунарманд ва коргоҳҳои истеҳсолиро муаррифӣ менамояд
Сарвари давлат Эмомалӣ Раҳмон Варзишгоҳи миллиро бо 30 ҳазор ҷойи нишаст дар шаҳри Душанбе ифтитоҳ намуданд
АЗ ИСТИҚЛОЛ ТО ИСТИҚЛОЛОФАРӢ. Андешаҳои коршиноси масоили сиёсӣ дар ин маврид
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар вилояти Хатлон беш аз 900 корхонаи саноатӣ фаъолият мекунад
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Ҷумҳурии Тоҷикистон Эмомалӣ Раҳмон дар ноҳияи Файзобод аз намоиши маҳсулоти кишоварзӣ, ҳунарҳои мардумӣ ва таомҳои миллӣ боздид намуданд
Ба Сарвари давлат Эмомалӣ Раҳмон чор лоиҳаи муҳим, ки ба рушди инфрасохтори иҷтимоиву иқтисодии ноҳияи Файзобод равона шудаанд, муаррифӣ гардид
Пешвои миллат Эмомалӣ Раҳмон дар ноҳияи Файзобод якчанд иншооти соҳаи маорифро фосилавӣ ба истифода доданд
